Ташаббусҳои ҷаҳонии Тоҷикистон доир ба масъалаҳои об зимни ҳамоиш дар Душанбе баррасӣ карда шуд

Март 13, 2023 15:09

ДУШАНБЕ, 13.03.2023 /АМИТ «Ховар»/. Ташаббусҳои байналмилалии Тоҷикистон доир ба масъалаҳои обу иқлим таваҷҷуҳи ҷаҳониёнро ҷалб намуда, ба дарёфти ҳалли мушкилоти марбут ба об дар сатҳи глобалӣ моил намуд. Чунин таъкид гардид дар ҳамоише, ки дар мавзуи «Тадбирҳои афзалиятноки мутобиқшавӣ ба тағйирёбии иқлим дар бахши оби Ҷумҳурии Тоҷикистон» дар Душанбе доир карда шуд.

АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки ҳамоиш дар доираи нақшаи чорабиниҳо оид ба баргузории «Даҳсолаи байналмилалии амал «Об барои рушди устувор, солҳои 2018-2028» бо ибтикори Кумитаи ҳифзи муҳити зисти назди Ҳукумати Ҷумҳурии Тоҷикистон созмон дода шуда, дар он намояндагони вазорату идораҳои дахлдори мамлакат иштирок намуданд.

Дар конфронс мутахассисону коршиносони соҳа доир ба масъалаҳои муҳими экологӣ, аз ҷумла мониторинги сифати обҳои рӯизаминӣ, омӯзиши пиряхҳо, хизматрасонӣ дар самти истифодаи об, мутобиқшавӣ ба тағйирёбии иқлим ва дигар масъалаҳои марбут ба об маъруза намуданд.

Дар анҷом байни иштирокдорони конфронс доир ба масъалаҳои марбут ба об, тағйирёбии иқлим ва ташаббусҳои Ҳукумати Ҷумҳурии Тоҷикистон, хосса Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти об, ҳифзи пиряхҳо ва мутобиқшавӣ ба тағйирёбии иқлим табодули назар сурат гирифт.

АКС: Кумитаи ҳифзи муҳити зисти назди Ҳукумати Ҷумҳурии Тоҷикистон

Март 13, 2023 15:09

Хабарҳои дигари ин бахш

Дар Бағдод ҳамкории Тоҷикистон ва Ироқ баррасӣ гардид
ПЕШОМАДҲОИ РУШДИ УСТУВОРИ ПАХТАКОРӢ ДАР ТОҶИКИСТОН». Доир ба он дар Душанбе конференсияи байналмилалӣ оғоз ёфт
ТАШАББУСИ ГЛОБАЛИИ ПРЕЗИДЕНТИ ТОҶИКИСТОН. Давлати мо пешоҳанги масоили ҳифзи пиряхҳо дар ҷаҳон мебошад
Дар Душанбе дурнамои густариши ҳамкории тиҷоратӣ байни Тоҷикистон ва Эрон баррасӣ шуд
Доир ба ҳамкории иқтисодию тиҷоратии Тоҷикистон ва Арабистони Саудӣ ҷаласаи навбатии комиссияи муштарак баргузор мегардад
Дар Душанбе масъалаи ҷалби сармояи ширкатҳои Қазоқистон ба иқтисоди Тоҷикистон баррасӣ шуд
Тавсеаи ҳамкории Тоҷикистон ва Созмони Милали Муттаҳид дар самти ҳифзи муҳити зист муҳокима шуд
Дурнамои густариши ҳамкории Тоҷикистон ва Корпоратсияи байналмилалии молиявӣ баррасӣ гардид
Кишоварзони Ҷамоати деҳоти Зиракии шаҳри Кӯлоб кишту кори баҳориро оғоз намуданд
Ширкати Гурӯҳи портҳои Абузабӣ барои таъсиси Маркази логистикию транзитӣ ва содироти молҳо дар Душанбе маблағгузорӣ менамояд
РОҲ НАДОДАН БА ПАҲНШАВИИ МАЛАХ. Ҷаласаи ситоди ҷумҳуриявӣ оид ба муҳофизати зироати кишоварзӣ доир гардид
Дар шаҳри Абузабӣ аз ташаббусҳои Президенти Тоҷикистон дар соҳаи обу иқлим ёдовар шуданд