Дар доираи баргузории Global Money Week роҳбарияти «Амонатбонк» бо бонкирҳои оянда вохӯрӣ анҷом дод
ДУШАНБЕ, 07.04.2023 /АМИТ «Ховар»/. Дар доираи Ҳафтаи байналмилалии молиявӣ (Global Money Week) бо ибтикори раёсати Донишгоҳи байналмилалии сайёҳӣ ва соҳибкории Тоҷикистон таҳти унвони «Идоракунии хатарҳои бонкӣ дар шароити бесуботии молиявӣ» ҳамоиши илмӣ баргузор гардид, ки дар он намояндагони Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» иштирок намуданд, иттилоъ медиҳад АМИТ «Ховар» бо истинод ба бонки мазкур.
Дар ҳамоиш доир ба мафҳуми бонк ва низоми бонкии Ҷумҳурии Тоҷикистон, санадҳои меъёрии ҳуқуқии танзимкунандаи фаъолияти ташкилоти қарзӣ, институтҳои ёрирасони молиявӣ, амалиёти бонкӣ, мавқеи «Амонатбонк» дар низоми бонкӣ, буҳронҳои иқтисодӣ – омили бавуҷудоварандаи бесуботӣ ва хавфу хатарҳои бонкӣ ба иштирокдорон маълумоти зарурӣ пешниҳод карда шуд.
Гуфта шуд, ки ташкили чунин машваратҳои омӯзишӣ дар баланд бардоштани саводнокии молиявӣ ва такмили ихтисоси мутахассисони ояндаи соҳаи бонкдории мамлакат нақши муҳим мегузорад.
Сипас намояндагони «Амонатбонк» аз озмоишгоҳҳои таълимии Донишгоҳ дидан намуда, ба шароиту имконияти таҳсили донишҷӯёни ин муассисаи таълимӣ баҳои баланд доданд.
Дар радифи дигар озмоишгоҳҳои муосири таълимӣ дар Донишгоҳи байналмилалии сайёҳӣ ва соҳибкории Тоҷикистон баҳри омодасозии кадрҳои соҳаҳои молияву бонкӣ утоқи «Бонки таълимии «Амонатбонк» амал мекунад, ки донишҷӯён дар раванди машғулияти амалӣ аз он самаранок истифода мебаранд. Зимни боздид аз утоқи «Бонки таълимии Амонатбонк» ба муҳассилини ихтисосҳои соҳаи бонкдорӣ тавсия дода шуд, ки пайваста илму дониш омӯзанд, зеро он сарвати бебаҳо буда, метавонад инсонро ба қуллаҳои баланди музаффарият расонад.
Бонки таълимии мазкур дар ҳамкорӣ бо Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» ташкил гардида, бо тамоми воситаҳои зарурии таълимӣ таъмин аст. Дар доираи шартномаи тарафайн байни «Амонатбонк» ва Донишгоҳи байналмилалии сайёҳӣ ва соҳибкории Тоҷикистон дар он бо ҷалби мутахассисони бонк мунтазам машғулияти амалӣ гузаронида мешавад.
АКС: КВД Бонки амонатгузории Ҷумҳурии Тоҷикистон «Амонатбонк»
ПУЛИ МИЛЛӢ –«СОМОНӢ». Банкнотаҳои он на танҳо воситаи пардохт, балки бозтоби таърих, фарҳанг, дастовардҳо ва ҳувияти миллии Тоҷикистон мебошанд
ТАЪРИХИ ПАЙДОИШИ АСЪОРИ МИЛЛӢ. Эҳтироми пули миллӣ эҳтироми миллат аст!
ҚУРБИ АСЪОР: 1 доллари ИМА аз 9.1400 то 9.2165 сомонӣ муқаррар шудааст
Дар Остона Конфронси байналмилалии иқтисодии Фонди авруосиёии субот ва рушд баргузор гардид
Тоҷикистон ва Бонки аврупоии таҷдид ва рушд ҳамкориро дар самти таҳкими низоми молиявию бонкӣ густариш медиҳанд
Дар Душанбе оид ба ташхиси макроиқтисодӣ ҳамоиш баргузор шуд
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Маттео Патроне: «Бонки аврупоии таҷдид ва рушд дар Тоҷикистон лоиҳаҳои гуногунро дар соҳаи энергетика ва бахши хусусӣ амалӣ менамояд»
Президенти Ҷумҳурии Тоҷикистон Эмомалӣ Раҳмон бо Ноиби Президенти Бонки аврупоии таҷдид ва рушд Маттео Патроне мулоқот намуданд
