ДАРАХТ БИНШОН. Дар ноҳияи Ванҷ имсол 45 ҳазор бех ниҳол мешинонанд

Апрель 16, 2023 15:16

ДУШАНБЕ, 16.04.2023 /АМИТ «Ховар»/. Дар ноҳияи Ванҷи Вилояти Мухтори Кӯҳистони Бадахшон имсол шинонидани 45 ҳазор бех ниҳол дар назар аст, ки аз ин теъдод зиёда аз 25 ҳазор ниҳоли боровар мебошад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ВМКБ хабар медиҳад.

Ба ғайр аз ин, дар ҳамаи ҷамотҳои деҳот барои шинонидани ниҳол мавзеъҳои махсус ҷудо карда шуда, ин мавзеъҳо ба таври ҳашар бо кумаки кормандони идораву муассисаҳои маҳаллӣ аз партов ва санглох тоза карда мешаванд. Қад-қади роҳҳо- аз маркази ноҳия сар карда, то дурдасттарин Ҷамоати деҳоти Рованд ниҳолҳои сояафкан шинонида мешаванд.

Дар мавзеъҳои дамгирии назди чашмасорон низ барои мусофирон истироҳатгоҳ ва боғчаҳо бунёд мегардад. Инчунин дар нуқтаи тадқиқотии боғи ботаникии ноҳия зиёда аз 6000 бех гул парвариш ёфта истодааст.

Иттилоъ дода шуд, ки барои иваз намудани арчаҳои якранги маркази ноҳия аз шаҳри Душанбе 200 намуд арчаи ороишӣ ва 2000 намуд гули мавсимӣ оварда шудааст.

Бо ин мақсад ҳар рӯзи шанбе дар тамоми ноҳия ҳашарҳои дастҷамъона баргузор мегарданд. Ҳоло дар кӯчаву роҳравҳо зиёда аз 2000 бех гул ва 1500 бех арчаи ороишӣ шинонида шудааст.

АКС: «Рӯзномаи Бадахшон»

Апрель 16, 2023 15:16

Хабарҳои дигари ин бахш

СИЁСАТИ НИҲОЛШИНОНИИ ПЕШВОИ МИЛЛАТ. Яке аз сабабҳои зиёд омадани селобҳои зиёд нестшавии дарахтон дар кӯҳҳову баландиҳои назди маҳалҳои зист мебошад
«БА ДАРАХТОН ОБ ДИҲЕД!». Таҳти ин унвон Кумитаи иҷроияи Ҳизиб Халқии Демократии Тоҷикистон дар ноҳияи Сино маъракаи ҳизбӣ мегузаронад
Зиёда аз 4 ҳазор дарахтони ороишию мевадиҳандаи боғи навбунёди ноҳияи Мурғоб зимистони сардро бе зарар гузарониданд
Дар Боғи «Ирам» намоишгоҳи ҷумҳуриявии хайриявии гулу растанӣ баргузор шуд
Пешвои миллат Эмомалӣ Раҳмон дар шаҳри Пистояи Италия бо таҷрибаи пешқадами ниҳолпарварӣ ва сабзгардонии муҳити зист шинос гардиданд
ДАРАХТ БИНШОН! Дар Мастчоҳ беш аз 4000 бех ниҳоли ороишиву ҳамешасабз ва мевадиҳанда шинонида мешавад
ДАРАХТ БИНШОН! Дар ноҳияи Лахш 1200 бех ниҳоли мевадиҳанда ва ҳамешасабзу ороишӣ шинонида шуд
ДАРАХТ БИНШОН! Дар шафати шоҳроҳи Ваҳдат-Норак беш аз 1500 бех ниҳоли дарахти санавбар шинонида шуд
ДАРАХТ БИНШОН! Дар ноҳияи Хуросон тадбирҳои ниҳолшинонӣ анҷом дода шуд
ДАРАХТ БИНШОН! Имсол дар ноҳияи Шуғнон 3 ҳазор бех дарахтони сояафкану ороишӣ ва мевадор мешинонанд
ДАРАХТ БИНШОН! Дар кӯчаи Сирдарёи шаҳри Хуҷанд 150 бех ниҳоли дарахтони ҳамешасабз ва ороишӣ шинонида шуд
Дар Вилояти Мухтори Кӯҳистони Бадахшон 150 ҳазор бех ниҳолҳои сояафкану ороишӣ ва мевадиҳанда шинонида мешаванд