Амали фаъолияти иҷозатномаи ҶДММ «Интер аудит правда» қатъ карда шуд

ДУШАНБЕ, 09.05.2023 /АМИТ«Ховар»/. Бонки миллии Тоҷикистон аз қатъ намудани  амали фаъолияти иҷозатномаи Ҷамъияти дорои масъулияти маҳдуди «Интер аудит правда» иттилоъ медиҳад. Дар ин хусус ба АМИТ «Ховар» дар бонки мазкур иттилоъ доданд.

Тасмими қатъ намудани амали фаъолияти  иҷозатномаи ҶДММ «Интер аудит правда» мутобиқи қонунҳои Ҷумҳурии Тоҷикистон «Дар бораи иҷозатномадиҳӣ ба баъзе намудҳои фаъолият», «Дар бораи Бонки миллии Тоҷикистон» ва дар асоси дархости Ҷамъияти дорои масъулияти маҳдуди «Интер аудит правда» ҷиҳати ба таври ихтиёрӣ даст кашидан аз машғулшавӣ ба фаъолияти аудиторӣ дар бахши аудити ташкилоти суғуртавӣ гирифта шудааст.

Дар робита ба ин амали иҷозатномаи ҶДММ «Интер аудит правда», ки бо қарори Раёсати Бонки миллии Тоҷикистон аз 27 декабри соли 2021 барои анҷом додани фаъолияти аудиторӣ дар бахши аудити ташкилоти суғуртавӣ дода шудааст, қатъ карда шуд.

      АКС: Бонки миллии Тоҷикистон