Ба иқтидори Тоҷикистон оид ба мониторинг ва арзёбии амалҳо дар соҳаи иқлим тақвият бахшида мешавад
ДУШАНБЕ, 13.05.2023 /АМИТ «Ховар»/. Созмони озуқаворӣ ва кишоварзии Созмони Милали Муттаҳид (ФАО) ба Кумитаи ҳифзи муҳити зисти назди Ҳукумати Ҷумҳурии Тоҷикистон таҷҳизоти технологияҳои иттилоотӣ супорид. Ин иқдом дар доираи Лоиҳаи дуюми омодагӣ, ки аз ҷониби Фонди иқлими сабз дастгирӣ карда мешавад, амалӣ гардид, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон.
Таҷҳизоти IT, аз ҷумла 14 ноутбук, 2 компютери рӯимизӣ, 16 роутер ва 1 қуттии сервер бо арзиши 18319,00 доллар ба раёсати мониторинги Кумита супурда шуд. Ин таҷҳизот иқтидори техникии раёсатро тақвият бахшида, имкон медиҳад, ки фаъолияти тағйирёбии иқлим дар Тоҷикистон самаранок пайгирӣ карда шавад.
Қаблан соли 2022 ду семинар оид ба мониторинг ва арзёбии лоиҳаҳо дар соҳаи тағйирёбии иқлим бо иштироки намояндагони ҳукумат, бахши хусусӣ ва коршиносони байналмилалӣ дар соҳаи маблағгузории иқлим ва аккредитатсия баргузор гардид. Донишҳои ба даст оварда дар баробари таҷҳизот имконоти техникии Кумитаро такмил дода, имкон медиҳанд, ки талошҳои ҷумҳурӣ оид ба мубориза бо тағйирёбии иқлим дар Тоҷикистон назорат карда шавад.
Дар маросими супоридани таҷҳизоти техникӣ Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ва намояндаи ФАО СММ Олег Гучгелдиев ҳузур доштанд. «Мо умедворем, ки ин барнома ба талошҳои Тоҷикистон барои коҳиш додани тағйирёбии иқлим ва мутобиқшавӣ ба он мусоидат хоҳад кард», — изҳор дошт намояндаи ФАО Олег Гучгелдиев дар маросими ифтитоҳ.
ФАО ҷонибдори дастгирии Тоҷикистон дар талошҳо оид ба мубориза бо тағйирёбии иқлим ва аҳамияти системаҳои хуби мониторинг ва арзёбии дохилӣ барои ҳама намудҳои лоиҳаҳои тағйирёбии иқлим мебошад. Дар доираи лоиҳа инчунин идомаи гузаронидани тренингҳои миллӣ оид ба MRV дар минтақаҳои гуногуни Тоҷикистон ва рушди системаи миллии MRV ба нақша гирифта шудааст.
АКС: Кумитаи ҳифзи муҳити зисти назди Ҳукума ти Ҷумҳурии Тоҷикистон
Тоҷикистон лоиҳаи бунёди корхонаи коркарди партовҳои сахти маишӣ ва истеҳсоли неруи барқро аз ҳисоби партовҳо амалӣ менамояд
Ҳукумати Тоҷикистон ҳамкориро бо созмонҳои молиявии байналмилалӣ бо мақсади ҷалби сармоя тақвият медиҳад
Гардиши савдо байни Тоҷикистон ва Эрон қариб 9 миллион доллар афзоиш ёфтааст
Ҳайати Тоҷикистон дар ҷаласаи вазирони молия ва раисони бонкҳои марказии давлатҳои аъзои СҲШ иштирок намуд
Байни шаҳри Хуҷанд ва Бонки аврупоии таҷдид ва рушд Ёддошти тафоҳум ба имзо расид
ТАЪСИСИ 5 ҲАЗОР ҶОЙҲОИ НАВИ КОР. Дар Тоҷикистон 4 корхонаи нави истеҳсоли семент ба истифода дода мешаванд
Раванди татбиқи лоиҳаҳои «Дастгирии соҳаи кишоварзӣ дар заминаи ҷомеа+» ва «Барқарорсозии низоми экологӣ ва устувории кишоварзӣ дар Тоҷикистон» баррасӣ шуд
Дар маҷлиси Ҳукумати Тоҷикистон масъалаи болобарии нархи семент баррасӣ шуд
Намояндагони Тоҷикистон дар чорабинии Ассамблеяи генералии 93-юми Созмони умумиҷаҳонии солимии ҳайвонот иштирок намуданд
Татбиқи лоиҳаҳои афзалиятноки миллӣ ва минтақавӣ дар соҳаҳои кишоварзӣ, ҷангал ва ҳифзи муҳити зист баррасӣ гардид
Ноҳияи Темурмалик нақшаи истеҳсоли пилларо пурра иҷро намуд
Раиси Суди Олии Тоҷикистон бо Раиси Суди иқтисодии Иттиҳоди Давлатҳои Мустақил мулоқот намуд
