Бонки миллии Тоҷикистон ба «РАССЕЛЛ БЕДФОРД ААА» барои фаъолияти аудиторӣ иҷозатнома дод
ДУШАНБЕ, 23.05.2023 /АМИТ «Ховар»/. Бо қарори Раёсати Бонки миллии Тоҷикистон ба Ҷамъияти дорои масъулияти маҳдуди «РАССЕЛЛ БЕДФОРД ААА» барои анҷом додани фаъолияти аудиторӣ дар ташкилоти қарзӣ ба муҳлати 5 сол иҷозатнома дода шуд.
АМИТ «Ховар» бо истинод ба Бонки миллии Тоҷикистон иттилоъ медиҳад, ки ин тасмим мутобиқи қонунҳои Ҷумҳурии Тоҷикистон «Дар бораи Бонки миллии Тоҷикистон», «Дар бораи иҷозатномадиҳӣ ба баъзе намудҳои фаъолият», Низомнома «Дар бораи хусусияти иҷозатномадиҳӣ ба баъзе намудҳои фаъолият», қоидаҳои гузаронидани аттестатсия барои ҳуқуқи анҷом додани аудити бонкҳо ва дигар ташкилоти қарзӣ гирифта шудааст.
Ҳамзамон мутобиқи қарори мазкур ба аудиторони «РАССЕЛЛ БЕДФОРД ААА» шаҳодатномаи тахассусии аудитори бонкӣ дода шуд.
Департаменти назорати бонкӣ муваззаф гардидааст, ки дар Феҳристи иҷозатномаҳои фаъолияти аудиторӣ дар ташкилоти қарзии молиявӣ сабти марбута ворид кунад.
АКС аз манбаъҳои боз
ҚУРБИ АСЪОР: дар Тоҷикистон 1 евро аз 11.3228 то 11.3000 сомонӣ муқаррар шудааст
Дар Бонки миллӣ бо ҳайати Дафтари Швейтсария оид ба ҳамкорӣ дар Ҷумҳурии Тоҷикистон вохӯрӣ доир гардид
ҚУРБИ АСЪОР: дар Тоҷикистон 1 доллари ИМА аз 9.6595 то 9.7300 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1234 то 0.1220 сомонӣ муқаррар шудааст
Бонки миллии Тоҷикистон бо IFSB омодасозии кадрҳои баландихтисос дар соҳаи бонкдориро баррасӣ намуданд
Намояндаи Бонки миллии Тоҷикистон дар нишасти солонаи Шурои хизматрасониҳои молиявии исломӣ иштирок намуд
Бонки миллии Тоҷикистон пулҳои коғазии барориши солҳои 2024 ва 2025-ро ба муомилот мебарорад
Бонки миллии Тоҷикистон ба «Mooр Стивенс» барои фаъолияти аудиторӣ иҷозатнома дод
