Дар Душанбе даври ниҳоии олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ идома дорад
ДУШАНБЕ, 17.05.2023. /АМИТ «Ховар»/. 16 май дар Донишгоҳи давлатии молия ва иқтисоди Тоҷикистон таҳти унвони «Пояи давлат намонад бе маориф устувор…» бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» даври ниҳоии олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз гардид. Дар ин хусус ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.
Дар олимпиада аз 39 муассисаи таҳсилоти олии касбии мамлакат 438 донишҷӯ дар ду бахш: илмҳои гуманитарӣ ва илмҳои табиатшиносӣ, дақиқ ва риёзӣ аз рӯйи фанҳои забон ва адабиёти тоҷик, забон ва адабиёти рус, забони англисӣ, таърих, фалсафа, сиёсатшиносӣ, математика, физика, химия, биология, экология, география, назарияи иқтисод ва технологияҳои иттилоотӣ ба тариқи тестӣ ва бо иншои эссе бо ҳам сабқат менамоянд.
Дар маросими ифтитоҳи олимпиада роҳбарияти Вазорати маориф ва илм, намояндаи Дастгоҳи иҷроияи Президенти Ҷумҳурии Тоҷикистон, ректорони муассисаҳои таҳсилоти олии касбии мамлакат ва донишҷӯён иштирок намуданд.
Тазаккур дода шуд, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ташкил ва сарпарастии озмунҳои ҷумҳуриявии «Фурӯғи субҳи доноӣ китоб аст», «Илм — фурӯғи маърифат», ««Тоҷикон» – оинаи таърихи миллат» ва «Тоҷикистон – Ватани азизи ман» барои баланд бардоштани завқи ҷавонон ва дигар қишрҳои ҷомеа нисбат ба илму маърифатандӯзӣ, китобхонӣ ва тақвияти донишу ҷаҳонбинии онҳо саҳми муносиб мегузоранд.
Ҳадафи баргузории олимпиада байни донишҷӯёни муассисаҳои таҳсилоти олӣ- ин дарёфти ҷавонони лаёқатманд ва парвариши минбаъдаи онҳо дар самтҳои гуногуни илм мебошад.
Пешниҳод карда шуд, ки ба ғолибони олимпиадаи мазкур барои дохилшавӣ ба зинаи магистратура ва PhD имтиёзҳо бояд дода шавад, то ҷавонони қобилиятнок имкони идомаи таҳсил дошта бошанд ва дар баробари ин, дар рушди илми тоҷик ва амалисозии ҳадафҳои стратегии мамлакат саҳм гузоранд.
Олимпиадаи мазкур ду рӯз идома ёфта, натиҷаи он имрӯз эълон карда мешавад.
АКС: Маркази матбуоти Вазорати маориф ва илм Ҷумҳурии Тоҷикистон
Аз ноҳияи Рӯдакӣ ба даври минтақавии Озмуни ҷумҳуриявии «Тоҷикистон — Ватани азизи ман» 66 нафар роҳхат гирифт
АЗ МЕРОСИ МИЛЛӢ ТО САРМОЯИ ИЛМИИ БАШАРИЯТ. Дар ҳошияи таъсиси Ҷоизаи байналмилалии Абуалӣ ибни Сино
Дар даври ноҳиявии Озмуни ҷумҳуриявии «Илм – фурӯғи маърифат» 114 нафар иштирок намуд
Дар Донишгоҳи технологии Тоҷикистон ғолибони озмунҳои ҷумҳуриявӣ ва байналмилалӣ қадрдонӣ шуданд
Бахшида ба Рӯзи байналмилалии ҳифзи кӯдакон дар шаҳри Душанбе ҳамоиш доир гардид
Доир ба Конвенсияи Ромсар ва аҳамияти байналмилалии он нишасти илмӣ баргузор гардид
«ИЛМ — ФУРӮҒИ МАЪРИФАТ». Дар шаҳри Бӯстон даври шаҳрии озмуни ҷумҳуриявӣ баргузор гардид
Таъсиси Ҷоизаи байналмилалии Абӯалӣ ибни Сино дар соҳаи тиб — заминаи густариши илми тиб, муаррифии шахсият ва осори тоҷикон дар арсаи ҷаҳон
Доир ба нақши Президенти Тоҷикистон дар гиромидошти қаҳрамонони миллат ҳамоиш баргузор шуд
Дар Душанбе масъалаҳои рушди соҳаи илму маориф бо ректори Донишгоҳи СММ баррасӣ гардид
Дар даври шаҳрии Озмуни ҷумҳуриявии «Илм — фурӯғи маърифат» дар Ҳисор беш аз 1400 довталаб маҳорат месанҷанд
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
