Гурӯҳи нозирони байналмилалии Ассамблеяи байнипарлумонии ИДМ рафти овоздиҳиро дар Узбекистон назорат намуд

Май 1, 2023 17:28

ДУШАНБЕ, 01.05.2023. /АМИТ «Ховар»/. Гурӯҳи нозирони байналмилалии Ассамблеяи байнипарлумонии кишварҳои аъзои Иттиҳоди Давлатҳои Мустақил рафти овоздиҳиро дар Ҷумҳурии Узбекистон ва ҳавзаи интихоботии хориҷӣ назорат намуд. Дар ин хусус ба АМИТ «Ховар» котиби матбуоти Маҷлиси намояндагон Муҳаммадато Султонов хабар дод.

Намояндагони Тоҷикистон- намояндаи доимии Маҷлиси Олии Ҷумҳурии Тоҷикистон дар қароргоҳи Ассамблеяи байнипарлумонии кишварҳои аъзои Иттиҳоди Давлатҳои Мустақил Бахтовар Сафарзода, узви Маҷлиси миллии Маҷлиси Олии Ҷумҳурии Тоҷикистон Бозоралӣ Одиназода, вакили Маҷлиси намояндагон Бахтиёр Аҳмадзода ба аъзои Гурӯҳи нозирони байналмилалии Ассамблеяи байнипарлумонии кишварҳои аъзои Иттиҳоди Давлатҳои Мустақил шомил буда, рафти овоздиҳиро дар Ҷумҳурии Узбекистон назорат намуданд.

Намояндагони Тоҷикистон ба ҳавзаи интихоботии № 115, ки дар бинои Шӯрои шаҳри Тошканд  воқеъ аст, рафта, дар ифтитоҳи ҳавзаи интихоботӣ ва оғози овоздиҳӣ иштирок намуданд. Онҳо гувоҳӣ доданд, ки тамоми тартиботи пешбининамудаи қонунгузорӣ иҷро шуда, нуқтаҳои овоздиҳӣ сари вақт кушода шуданд.

Нозирони байналмилалӣ бо роҳбарияти комиссияҳои интихоботӣ, нозирони миллӣ ва шаҳрвандони овоздиҳӣ суҳбат намуданд.  Аъзои гурӯҳ ба мавҷудият ва пурра будани маводи иттилоотӣ ва таъмини махфӣ будани овоздиҳӣ диққати ҷиддӣ доданд.

Мушоҳида инчунин дар муассисаҳои дипломатӣ ва консулгариҳои хориҷӣ дар шаҳрҳои Боку (Ҷумҳурии Озарбойҷон), Минск (Ҷумҳурии Беларус), Алмаато (Ҷумҳурии Қазоқистон), Бишкек (Қирғизистон), Москва, Санкт-Петербург, Қазон, Екатеринбург, Владивосток, Ростови лаби Дон, Новосибирск, Рим (Италия), Лондон (Подшоҳии Муттаҳидаи Британияи Кабир ва Ирландияи Шимолӣ), Париж (Фаронса), Пекин (Чин) ва Сеул (Корея) гузаронида шуд.

Ёдовар мешавем, ки ба гурӯҳи нозирон аз АБ  ИДМ вакилони парлумони Озарбойҷон, Арманистон, Беларус, Қазоқистон, Қирғизистон, Русия ва Тоҷикистон, масъулини Ассамблеяи байнипарлумонии ИДМ ва коршиносони Пажӯҳишгоҳи байналмилалии мониторинги рушди демократияи ИДМ шомил буд.

АКС: Маҷлиси намояндагони Маҷлиси Олии Ҷумҳурии Тоҷикистон

Май 1, 2023 17:28

Хабарҳои дигари ин бахш

Масъалаи тақвият бахшидани ҳамкории парлумонии Тоҷикистон ва Эрон дар Санкт-Петербург баррасӣ гардид
Равобити байнипарлумонии Тоҷикистон ва Ҳиндустон густариш меёбад
Раиси Маҷлиси намояндагон Маҳмадтоир Зокирзода дар ҷаласаи Шурои Ассамблеяи байнипарлумонии ИДМ иштирок намуд
Маҳмадтоир Зокирзода дар кори Анҷумани X парлумонии БРИКС дар шаҳри Санкт Петербург иштирок намуд
Маҳмадтоир Зокирзода дар ҷаласаи Шурои Ассамблеяи Байнипарлумонии давлатҳои ИДМ иштирок менамояд
Дар Маҷлиси намояндагон ҷаласаи ҳисоботӣ-интихоботии ташкилоти ибтидоии ҳизбии «Қонунгузор» доир гардид
Раиси Маҷлиси намояндагон Маҳмадтоир Зокирзода бо Сарвазири Ҷумҳурии Исломии Покистон Шаҳбоз Шариф мулоқот намуд
Ҳайати парлумонии Тоҷикистон дар ҷаласаи Созмони амният ва ҳамкорӣ дар Аврупо иштирок дорад
Дар Душанбе робитаҳои байнипарлумонии Тоҷикистон ва Арабистони Саудӣ баррасӣ гардид
Дурнамои ҳамкории байнипарлумонӣ байни Тоҷикистон ва Арабистони Саудӣ баррасӣ шуд
Имрӯз Иҷлосияи панҷуми Маҷлиси намояндагони Маҷлиси Олии Ҷумҳурии Тоҷикистон, даъвати шашум баргузор гардид
ВАҲДАТИ МИЛЛӢ — МАКТАБИ БУЗУРГИ ВАТАНДОРӢ. Дар Маҷлиси намояндагон бахшида ба Рӯзи Ваҳдати миллӣ ҳамоиш баргузор шуд