Кӯдакистони рақами 8-и Ҷамоати шаҳраки Ҳисор баъди таъмири пурра ба фаъолият оғоз намуд

Май 2, 2023 20:00

ҲИСОР, 02.05.2023 /АМИТ «Ховар»/. 1 май муассисаи томактабии рақами 8-и Ҷамоати шаҳраки Ҳисор баъди таъмири пурра ва барқарорсозию муҷаҳҳазгардонӣ бо иштироки меҳмонон  ба фаъолият шуруъ намуд. Дар ин хусус котиби матбуоти Раиси шаҳри Ҳисор Ҳидоятулло Холзода ба хабарнигори минтақавии АМИТ «Ховар» Субҳониддини Маҳмуд  иттилоъ дод.

Бинои муассиса дар доираи татбиқи лоиҳаи «Инкишофи барвақтии кӯдакон барои густариши сармояи инсонӣ дар Тоҷикистон»-и назди Вазорати молияи Ҷумҳурии Тоҷикистон пурра таъмиру барқарор шуда, кӯдакон баъди таътили муваққатӣ ба он ворид шуданд.

Муассиса аз ду ошёна иборат буда, дару тирезаҳо пурра иваз гардида, девору долонҳо аз нав андоваю рангубор шудааст. Фаршу шифти ҳуҷраҳои хоб ва лавозимоти  барои бозиву машғулият пешбинигардидаи кӯдакистон пурра иваз карда шудааст. Барои таъмини бино бо гармӣ ба ҷои собиқ бухориҳои аловӣ хатҳои нави гармидиҳии марказонида насб гардидааст.

Меҳмонон бо шароити ҷойи хоб, синфхонаҳои таълимӣ ва хизматрасонии санитарию гигиенӣ дар муассиса шинос гардида, дар машғулияти дарси рақси кӯдакон иштирок намуданд.


Маъмурияти кӯдакистон ва мураббияҳо ба Президенти мамлакат муҳтарам Эмомалӣ Раҳмон  барои дастгирӣ ва ғамхории пайваста нисбат ба кӯдакону муассисаҳои томактабӣ изҳори сипосу миннатдорӣ намуд.

Ёдовар мешавем, ки имрӯзҳо дар шаҳри Ҳисор ҳамаи муассисаҳои томактабии давлатӣ аз ҳисоби лоиҳаи «Инкишофи барвақтии кӯдакон барои густариши сармояи инсонӣ дар Тоҷикистон» навсозию таъмири пурра гардида истодааст. Онҳо дар муҳлатҳои гуногуни муайяншуда бо беҳтарин синфхонаҳои замонавию муҷаҳҳаз дари худро ба рӯйи тарбиятгирандагон мекушоянд.

АКС: Мақомоти иҷроияи ҳокимияти давлатии шаҳри Ҳисор

Май 2, 2023 20:00

Хабарҳои дигари ин бахш

Дар Донишгоҳи давлатии омӯзгорӣ оид ба иҷрои нишондиҳандаҳои Паёми Президенти Тоҷикистон ҷамъомад баргузор шуд
Намояндаи Тоҷикистон дар Форуми академияҳои идоракунии давлатии мамлакатҳои аъзои ИДМ иштирок намуд
Даври ҷумҳуриявии олимпиадаҳои фаннӣ барои синфҳои 11-и муассисаҳои таълимии ҷумҳурӣ оғоз ёфт
Ҳамкории Тоҷикистон ва Эрон дар самти илму маориф тақвият меёбад
Ҷашни Наврӯзи хуҷастапайро аҳли илму маориф ботантана ҷашн гирифтанд
Дар шаҳри Турсунзода кӯдакистони замонавӣ ба истифода дода шуд
Дар Донишгоҳи давлатии Хуҷанд озмуни «Шоҳномахонӣ» баргузор шуд
Дар шаҳри Истаравшан дуюмин ҳамоиши гирандагони стипендияи президентӣ доир шуд
«НАВРӮЗ — МУЖДАИ БАҲОРУ САРСАБЗИИ ТАБИАТ». Дар Донишгоҳи давлатии Кӯлоб ҷашни аҷдодиро таҷлил намуданд
НАВРӮЗ-ЭҲЁГАРИ АНЪАНАҲОИ МИЛЛӢ ВА ТАРҒИБГАРИ ҲУНАРҲОИ МАРДУМӢ. Таҳти ин унвон дар Донишгоҳи давлатии Бохтар ҳамоиш баргузор шуд
Дар Донишгоҳи давлатии ҳуқуқ, бизнес ва сиёсати Тоҷикистон оид ба ҳифзи Ватан ва мубориза бо падидаҳои номатлуб мулоқот доир шуд
Дар Филиали Донишгоҳи давлатии Москва дар шаҳри Душанбе конференсияи байналмилалии илмӣ-амалии «Геология дар макон ва замон» доир шуд