Роҳбари СУТ ба итмом расидани ҳолати фавқулодаро оид ба бемории сурхакони маймун эълон кард
ДУШАНБЕ, 14.05.2023 /АМИТ «Ховар»/. Директори генералии Созмони умумиҷаҳонии тандурустӣ (СУТ) Тедрос Аданом Гебрейесус ба итмом расидани ҳолати фавқулодаро дар ҷаҳон оид ба бемории mpox («эмпокс», номи нави бемории сурхакони маймун) эълон кард. Рӯзи панҷшанбе дар нишасти матбуотӣ дар Женева суханронӣ намуда, ӯ ин тасмимро ба коҳиши назарраси шумораи бемориҳо дар муқоиса бо моҳи июли соли 2022, ҳангоме, ки ҳолати фавқулода дар соҳаи тандурустии ҷаҳонӣ ҷорӣ карда шуд, рабт дод. Тавре АМИТ «Ховар» иттилоъ медиҳад, дар ин хусус АБИ «Казинформ» бо истинод ба ТАСС хабар додаст.
Ӯ таъкид кард, ки дар се моҳи охир дар бораи тақрибан 90% камтар шудани гирифторони бемории mpox нисбат ба се моҳи қаблӣ маълумот расидааст.
Дар маҷмуъ ба СУТ аз 111 кишвари ҷаҳон маълумот оид ба беш аз 87 000 ҳодисаи сирояти mpox ва 140 фавт расидааст.
Роҳбари СУТ таъкид кард, ки эълони ба итмом расидани ҳолати фавқулодаи mpox ба монанди COVID-19 ба ҳеҷ ваҷҳ маънои онро надорад, ки «кор ба анҷом расидааст». «Бемории mpox вуҷуд доштани хатари назаррасро барои тандурустии ҷамъиятӣ идома медиҳад, ки он вокуниши қавӣ, фаъол ва устуворро талаб менамояд»,- баён намуд ӯ.
Азиза ИКРОМ,
АМИТ «Ховар»
АКС аз манбаъҳои боз
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
