Созмони умумиҷаҳонии тандурустӣ аз коҳиши фавт бар асари COVID-19 дар ҷаҳон иттилоъ дод
ДУШАНБЕ, 05.05.2023 /АМИТ «Ховар»/. Дар давраи аз 3 то 30 апрел дар ҷаҳон тақрибан 2,8 миллион нафар ба сирояти коронавирус мубтало шуда, беш аз 17 ҳазор нафар фавтид. Шумораи фавтидагон нисбат ба 28 рӯзи қаблӣ 30%, шумораи сироятҳо 17% кам шудааст. Тавре АМИТ «Ховар» бо истинод ба ТАСС иттилоъ медиҳад, дар ин хусус шаби ҷумъа Созмони умумиҷаҳонии тандурустӣ (СУТ) хабар додааст.
Дар тӯли чаҳор ҳафта дар саросари ҷаҳон 2 779 198 ҳолати сироятёбӣ ва 17 459 фавт ба қайд гирифта шудааст.
Давоми 28 рӯз бештари беморон дар Иёлоти Муттаҳидаи Амрико – 392 480 нафар ошкор шудааст. Сипас дар рӯйхат Ҷумҳурии Корея (330 509), Ҷопон (251 158), Ҳиндустон (222 784) ва Фаронса (197 190) ҷой гирифтаанд. Дар Иёлоти Муттаҳидаи Амрико шумораи бештари фавтидагон дар давраи аз 3 то 30 апрел- 5263 нафар сабт шудааст. Баъдан Бразилия (1255), Русия (993), Фаронса (871) ва Эрон (762) ҷойгир шудаанд.
Ба ҳолати 3 май ба СУТ дар бораи 765 222 932 ҳолати гирифторӣ ба коронавирус аз оғози пандемия ва 6 921 614 ҳолати фавт маълумот расидааст.
Азиза ИКРОМ,
АИМТ «Ховар»
АКС аз манбаъҳои боз
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
