ТАҒЙИРЁБИИ ИҚЛИМ. Дар Хоруғ масъалаи идоракунии захираҳои обӣ баррасӣ гардид
ДУШАНБЕ, 08.05.2023 /АМИТ «Ховар»/. Бахшида ба Соли байналмилалии ҳифзи пиряхҳо (2025) дар Донишгоҳи давлатии Хоруғ ба номи М. Назаршоев таҳти унвони «Идоракунии захираҳои обӣ ва истифодаи он дар алоқамандӣ бо тағйирёбии иқлим» конфронси ҷумҳуриявии илмӣ — амалӣ баргузор гардид. Дар ин хусус ба АМИТ «Ховар» дар донишгоҳи номбурда хабар доданд.
Дар конфронс оид ба мушкилоти глобалии идоракунии захираҳои об дар ҷаҳони муосир ва масъалаҳои тағйирёбии иқлим вобаста ба обу пиряҳо андешаҳо иброз гардида, таъкид карда шуд, ки бо заҳматҳои барҷастаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Тоҷикистон ҳамчун давлати ташаббускору пешсаф дар ҳалли масоили об дар миқёси ҷаҳон эътироф гардидааст.
Гуфта шуд, ки масъалаи дар конфронс баррасишуда мубрам буда, ҷиҳати гузаронидани таҳқиқоти васеъ заминаи мусоид мегузорад. Дар баробари чор ташаббуси байналмилалии Тоҷикистон ташаббуси навбатӣ ва саривақтии Пешвои миллат муҳтарам Эмомалӣ Раҳмон 14 декабри соли 2022 аз тарафи Маҷмаи Умумии Созмони Милали Муттаҳид пазируфта шуда, соли 2025 Соли байналмиллалии ҳифзи пиряхҳо ва 21 март Рӯзи байналмилалии пиряхҳо эълон гардид.
Ин рӯйдоди таърихӣ моро водор менамояд, ки дар самти пиряхшиносӣ ва ҳифзи он корҳои илмӣ-пажӯҳиширо равнақ диҳем ва тарафҳои идеологии ин ташаббусро ба ҷавонон ва аҳли ҷомеа омӯзонем.
Дар ҷараёни конфронс олимону омӯзгорони донишгоҳ доир ба ташаббусҳои Ҷумҳурии Тоҷикистон оид ба тағйирёбии иқлим, роҳҳои идоракунӣ ва истифодаи сарватҳои табиӣ, самаранок истифода намудани захираҳои об, хатарҳои таъсири тағйирёбии иқлим ба рушди иқтисодию иҷтимоӣ ва роҳҳои ҳалли он маъруза карданд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
Дар Донишгоҳи давлатии Бохтар 32-солагии қабули Конститутсияи Тоҷикистон таҷлил карда шуд
Намояндаи Тоҷикистон дар брифинги Конвенсия оид ба ботлоқзор дар Женева иштирок намуд
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
