Тоҷикистон ва Русия дурнамои рушди ҳамкориро дар соҳаи сайёҳӣ баррасӣ намуданд
ДУШАНБЕ, 06.05.2023 /АМИТ «Ховар»/. Масоили кунунӣ ва дурнамои рушди ҳамкории Тоҷикистон ва Русия дар соҳаи сайёҳӣ зимни мулоқоти Раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муминзод бо муовини раиси кумитаи Думаи давлатӣ оид ба сайёҳӣ ва рушди инфрасохтори сайёҳии Федератсияи Русия Наталя Костенко баррасӣ гардид. Дар ин хусус ба АМИТ «Ховар» дар Кумитаи рушди сайёҳии назди Ҳукумати Ҷумҳурии Тоҷикистон хабар медиҳад.
Зимни мулоқот атрофи масъалаҳои густариши муносибатҳои дуҷониба дар соҳаи сайёҳӣ, омӯзиши таҷрибаи Русия ва ҷалби сармоягузорӣ дар ин самт табодули афкор анҷом дода шуд.
Қобили тазаккур аст, ки муовини раиси кумитаи Думаи давлатӣ ҷиҳати иштирок дар Намоишгоҳи байналмилалии универсалии «Тоҷикистон-2023» ба Тоҷикистон омада, аз чанд мавзеи сайёҳӣ боздид намуд.
Ӯ таассуроти хешро аз дидаҳояш рангин иброз дошта, рушди инфрасохтори муосир ва пешниҳоди хизматрасонии сайёҳиро қонеъкунанда арзёбӣ намуд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дар Донишгоҳи давлатии Хуҷанд 17 ихтисоси нав таъсис дода шуд
Дар Душанбе Форуми байналмилалӣ оид ба кори иҷтимоӣ ва хизматрасониҳои иҷтимоӣ доир гардид
«ҲАФТКӮЛ». Ин мавзеи табиии Тоҷикистон маркази рушди сайёҳии экологӣ маҳсуб мешавад
Имрӯз дар водиҳои Тоҷикистон ҳаво то 33 дараҷа гарм мешавад
3 август дар Донишкадаи давлатии фарҳанг ва санъат ва Донишкадаи тарбияи ҷисмонӣ нишасти матбуотӣ доир мегардад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Душанбе шумораи электробусҳо қариб ба 200 адад мерасад
Имрӯз дар доманакӯҳҳо ҳаво то 38 дараҷа гарм мешавад
