10 ихтисоси Донишгоҳи миллии Тоҷикистон соҳиби шаҳодатномаи байналмилалӣ гаштанд
ДУШАНБЕ, 23.06.2023 /АМИТ «Ховар»/. 10 ихтисоси Донишгоҳи миллии Тоҷикистон соҳиби шаҳодатномаи байналмилалӣ гаштанд. Дар ин хусус ба АМИТ «Ховар» дар Донишгоҳи мазкур иттилоъ доданд.
Дар робита ба ин 20 июн дар Донишгоҳи миллии Тоҷикистон маросими тақдими шаҳодатномаҳо аз рӯи натиҷаҳои аккредитатсияи байналмилалии барномаҳо баргузор гардид. Шаҳодатномаҳоро дар бораи гузаштани расмиёти бақайдигирии байналмилалӣ барои 10 ихтисос ба ректори Донишгоҳи миллии Тоҷикистон, профессор Қобилҷон Хушвахтзода директори генералии Агентии мустақили аккредитатсия ва рейтинг (IAAR) Алина Жумагулова супорид.
Таъкид гардид, ки ин дастоварди муҳими Донишгоҳи миллӣ на танҳо натиҷаи меҳнати софдилонаи тамоми ҳайати кормандони ин даргоҳи илму маърифат, балки намунаи олии банақшагирии стратегии раёсати ин муассисаи таълимӣ мебошад. Эътироф гардидани барномаҳои таълимии донишгоҳҳои минтақаи Осиёи Марказӣ дар арсаи байналмилалӣ яке аз тамоюлҳои рушди таҳсилоти муосир ба шумор меравад, зеро ин на танҳо мақоми ҳар як донишгоҳро боло бурда, онро ба сатҳи сифатан нав мерасонад, балки инчунин ба эътирофи нуфузи он дар майдони байналмилалӣ мусоидат менамояд.
Ёдовар мешавем, ки 10 барномаи таълимии кластерҳои ҳуқуқӣ, тиббӣ ва табиатшиносӣ аз ҷониби Донишгоҳи миллии Тоҷикистон барои бақайдгирӣ ба Агентии мустақили аккредитатсия ва рейтинг (Қазоқистон) пешниҳод шуда буданд.
АКС: Донишгоҳи миллии Тоҷикистон
Хонандагони тоҷик дар олимпиадаи байналмилалӣ сазовори се ҷойи сеюм гардиданд
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
Дар Донишгоҳи давлатии Бохтар 32-солагии қабули Конститутсияи Тоҷикистон таҷлил карда шуд
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
