Дар Донишгоҳи давлатии Кӯлоб ҳамоиши гирандагони Стипендияи Президентӣ доир гардид
ДУШАНБЕ, 24.06.2023. /АМИТ «Ховар»/. Дар Донишгоҳи давлатии Кӯлоб ба номи Абуабдуллоҳи Рӯдакӣ ҳамоиши гирандагони Стипендияи Президентӣ таҳти унвони «Ҷавонон — пайравони Пешвои миллат!» баргузор гардид. Дар он гирандагони стипендияи Президентӣ аз ҳудуди шаҳру ноҳияҳои минтақаи Кӯлоби вилояти Хатлон иштирок намуданд. Дар ин хусус дар бахши кор бо ҷавонон ва варзиши шаҳри Кӯлоб ба АМИТ «Ховар» хабар доданд.
Дар ҳамоиш дастгириҳои пайвастаи давлату Ҳукумат, хусусан таваҷҷуҳи хоссаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба сиёсати давлатии ҷавонон таъкид гардида, доир ба дастовардҳои ин насли ояндасоз дар пешрафти ҷомеа ибрози андеша карда шуд.
Таъкид гардид, ки имрӯз ҷиҳати ҳавасмандгардонии ҷавонони лаёқатманду босавод имтиёзҳои гуногун амал менамояд ва яке аз ин иқдомҳо таъсиси стипендияҳои Президентӣ барои донишҷӯён ва хонандагони муассисаҳои таҳсилоти миёнаи умумӣ, ибтидоӣ ва миёнаи касбӣ мебошад, ки алҳол теъдоди он 3000 -ро ташкил медиҳад.
Дар идомаи ҳамоиш дар фазои тантанавӣ ба гирандагони стипендияи Президентӣ дар соли таҳсили 2022-2023 шаҳодатномаҳо ва маблағи стипендия супорида шуд.
АКС: Бахши кор бо ҷавонон ва варзиши шаҳри Кӯлоби вилояти Хатлон
«МАКТАБИ ПЕШСАФ — МАКТАБИ ШАРИК». Дар муассисаҳои таълимии вилояти Хатлон таҳти чунин унвон низоми нав амалӣ карда мешавад
Осори Робиаи Балхӣ ба 10 забони хориҷӣ тарҷума карда шуд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
Байни Вазорати маориф ва илм ва Маркази байналмилалии иртиботи фарҳангии Малайзия Ёддошти тафоҳум ба имзо расид
Маркази барномаҳои байналмилалӣ қабули ҳуҷҷатҳои довталабонро ба донишгоҳҳои Узбекистон оғоз намуд
