Дар ноҳияи Шаҳритус Маркази хизматрасонии бонкии «Саноатсодиротбонк» ифтитоҳ гардид
ДУШАНБЕ, 13.06.2023. /АМИТ «Ховар»/. Дар ноҳияи Шаҳритуси вилояти Хатлон Маркази хизматрасонии бонкии Корхонаи воҳиди давлатии Бонки саноативу содиротии Тоҷикистон «Саноатсодиротбонк» таъсис ёфт. Дар ин хусус ба АМИТ «Ховар» дар бонки мазкур иттилоъ доданд.
Маркази хизматрасонии бонкӣ барои мизоҷон ҷиҳати дастрасӣ ба маблағҳои қарзӣ имкон ва шароити мусоид фароҳам оварда, дар он 8 мутахассиси маҳаллӣ бо ҷойи кор таъмин гардид.
Бо ифтитоҳ гардидани марказ сокинони ноҳияи Шаҳритус метавонанд маблағҳои худро ба осонӣ идора намоянд ва аз хизматрасониҳои бонкӣ бемамоният истифода баранд.
Марказ ба мизоҷон маҷмӯи пурраи хизматрасониҳои молиявиро аз кушодани суратҳисоб то гирифтани қарзҳо ва интиқоли маблағҳо пешниҳод менамояд.
Бояд тазаккур дод, ки ҳадафи асосии «Саноатсодиротбонк» дар амал татбиқ намудани дастуру супоришҳои Ҳукумати мамлакат ва дастгирии соҳибкорони ватанӣ тавассути пешниҳоди маблағҳои қарзии имтиёзнок мебошад.
АКС: Бонки саноативу содиротии Тоҷикистон «Саноатсодиротбонк»
Ҳайати Бонки ҷаҳонӣ дар Конфронси чоруми байналмилалии сатҳи баланди оби Душанбе иштирок менамояд
ҚУРБИ АСЪОР: 1 доллари ИМА аз 9.3800 то 9.3738 сомонӣ муқаррар шудааст
Пули ҷашнии 100-сомонии Тоҷикистон ба рӯйхати беҳтарин пулҳои ҷаҳон дохил шуд
«Амонатбонк» бо Хазинаи байналмилалии асъор ҳамкории молиявии дуҷонибаро густариш медиҳад
Масъалаҳо оид ба мониторинг ва таҳлили корҳо дар самти рушди низоми суғуртаи Тоҷикистон баррасӣ шуданд
Дар Душанбе Фестивали «Саводнокии молиявӣ» баргузор гардид
Вазъи феълӣ ва дурнамои иқтисодиёти Тоҷикистон дар мулоқот бо ҳайати Хазинаи байналмилалии асъор баррасӣ гардид
«Саноатсодиротбонк» барои хизматрасонӣ ба занони соҳибкор сазовори ҷойи сеюм шуд
