Озмуни «Маҳсулот ва хизматрасонии беҳтарин дар Ҷумҳурии Тоҷикистон» ҷамъбаст ва беҳтаринҳо соҳиби ҷоиза шуданд

Июнь 3, 2023 11:15

ДУШАНБЕ, 03.06.2023. /АМИТ «Ховар»/. Имрӯз дар Боғи Ирами шаҳри Душанбе маросими ҷоизасупорӣ ба ғолибони озмуни «Маҳсулот ва хизматрасонии беҳтарин дар Ҷумҳурии Тоҷикистон» баргузор гардид, ки дар он намояндагони Ҳукумати ҷумҳурӣ, вазорату идораҳо ва ширкату корхонаҳо иштирок намуданд.

АМИТ «Ховар» бо такя ба Агентии «Тоҷикстандарт» иттилоъ медиҳад, ки озмун дар доираи татбиқи дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бахшида ба Солҳои рушди саноат (2022-2026) ва бо мақсади рушди соҳибкорӣ дар соҳаи истеҳсолӣ, дастгирии молистеҳсолкунандагон, содироти маҳсулот, муаррифии маҳсулот тва хизматрасонии ватанӣ,  баланд бардоштани сифат ва рақобатпазирии маҳсулоти ватанӣ, мусоидат ба саноатикунонии босуръати мамлакат ва баланд бардоштани сатҳи хизматрасонии субъектҳои хоҷагидор, инчунин муаррифии имконияти сайёҳӣ ва ҳунарҳои мардумӣ доир гардид.

Агентии «Тоҷикстандарт» аз созмондиҳандагони  озмун буда, дар он 68  корхонаву муассисаи истеҳсолӣ ва хизматрасон аз пойтахт ва дигар минтақаҳо, ки дар даври  минтақавии озмун молу маҳсулоти худро ба намоиш гузошта, ғолиб омаданд, иштирок намуданд.

Озмуни «Маҳсулот ва хизматрасонии беҳтарин дар Ҷумҳурии Тоҷикистон» аз рӯи номинатсияҳои маҳсулоти хӯрокворӣ, саноатӣ, маснуоти ҳунарҳои мардумӣ, таъйиноти истеҳсолию техникӣ, хизматрасонии хӯроки умумӣ, меҳмонхонаҳо ва ширкатҳои сайёҳӣ баргузор гардид.

Дар маросими ҷоизасупорӣ ба 68 субъекти хоҷагидор ҷоизаҳо,  унвонҳои лауреат ва дипломанти озмун супорида шуд. Корхонаҳои бонуфузи мамлакат, аз қабили ҶДММ «Мармарӣ», «Акома», «Нури зулол», «Сулаймон чой», «Эскимо Мастер», Фабрикаи қаннодии «Ширин», ҳунармандон аз Суғду Хатлон ва Бадахшон, инчунин ширкатҳои сайёҳӣ, хӯроки умумӣ  ва  дигар корхонаю ширкатҳои ватанӣ ба гирифтани ҷоизаҳои озмун мушарраф гардиданд.

Ғолибон озмун имконият доранд,  ки дар озмунҳои сатҳи минтақавӣ  барои дарёфти ҷоизаи сифати маҳсулот ва хизматрасонии беҳтарини Иттиҳоди Давлатҳои  Мустақил /ИДМ/ иштирок намоянд.

АКС аз бойгонӣ

Июнь 3, 2023 11:15

Хабарҳои дигари ин бахш

Дар Тоҷикистон таҳияи Стратегияи рушди дарозмуддат бо сатҳи пасти партовҳои камкарбон оғоз мешавад
Байни «Сомон Эйр» ва ширкати чинии «Shanghai Haizhu Engineering & Design Group» Ёддошти ҳамкорӣ ба имзо расид
ДАРАХТ БИНШОН! Аз охири моҳи ноябр дар Тоҷикистон маъракаи ниҳолшинонӣ оғоз мешавад
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Масъалаи баланд бардоштани самаранокии раванди татбиқи лоиҳаҳо дар Тоҷикистон бо Бонки исломии рушд баррасӣ гардид
«TEIECOM AWARDS TAJIKISTAN – 2025». Барои баҳодиҳӣ ба фаъолияти операторони алоқаи барқӣ озмун гузаронида мешавад
Дар Арабистони Саудӣ татбиқи лоиҳаҳо дар самтҳои энергетика ва рушди деҳот дар Тоҷикистон баррасӣ гардид
Ба барномаҳои таълимии 10 донишгоҳи Тоҷикистон ихтисоси «зеҳни сунъӣ» ворид карда шуд, — бардошт аз Конфронси байналмилалӣ
Дар ноҳияи Спитамен маъракаи пахтачинӣ идома дорад
Форуми байналмилалии Тоҷикистону Эрон таҳти унвони «Пули эътимод ва рушд» баргузор шуд
Дар Ҷидда лоиҳаҳои афзалиятноки Тоҷикистон бо Бонки исломии рушд баррасӣ гардид
Вазорати молияи Тоҷикистон ва Созмони коғазҳои қиматнок ва биржаҳои Эрон ҳамкориро тақвият мебахшанд