Сӯхтор 30 ҳазор гектар ҷангалзори Қазоқистонро фаро гирифтааст
ДУШАНБЕ, 10.06.2023 /АМИТ «Ховар»/. Вазири ҳолатҳои фавқулодаи Қазоқистон Юрий Илин дастур додааст, ки неруҳои иловагӣ аз ҳисоби хизматчиёни ҳарбӣ аз вилоятҳои Қарағанда ва Алмато барои хомӯш кардани оташ ба ҷангалзори вилояти Абай фиристода шаванд, хабар додааст Агентии байналмилалии иттилоотии «Казинформ» бо такя ба маркази матбуотии Вазорати ҳолатҳои фавқулодаи ин мамлакат.
Айни ҳол сӯхторнишонон дар се минтақаи вилояти Абай барои хомӯш кардани оташ талош доранд. Ҳамчунин ба ин минтақа неруҳои иловагӣ низ фиристода шудаанд.
Иттилоъ дода мешавад, ки дар натиҷаи ин сӯхтор 3 корманди хоҷагии ҷангал ба ҳалокат расида, ҷустуҷӯи 11 нафари онҳо идома дорад. 316 нафар ба ҷойи бехавф кӯчонида шуданд.
Президенти Қазоқистон Қосим-Жомарт Токаев бинобар сар задани сӯхтор дар ҷангалзор сафари расмии худро ба Ветнам ба таъхир гузошт.
АКС: Агентии байналмилалии иттилоотии «Казинформ»
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
