Дар Душанбе масъалаи вусъат додани ҳамкории сармоягузорӣ байни Тоҷикистон ва Бонки Авруосиёи Рушд баррасӣ шуд
ДУШАНБЕ, 27.07.2023. /АМИТ «Ховар»/. 25 июл вохӯрии Вазири рушди иқтисод ва савдои Ҷумҳурии Тоҷикистон, Мудири кишварии Бонки Авруосиёии Рушд (БАОР) аз Тоҷикистон бо муовини Раиси Бонки Авруосиёии Рушд (БАОР) баргузор гардид, ки зимни он дурнамои ҳамкории миёнамуҳлати дуҷониба мавриди баррасӣ қарор гирифт.
Зимни вохӯрӣ ҷонибҳо масъалаҳои густариши ҳамкорӣ байни Ҷумҳурии Тоҷикистон ва Бонки Авруосиёии Рушд, ҷалби маблағҳои имтиёзнок вобаста ба таъсири омилҳои берунӣ, лоиҳаҳои нави афзалиятнок дар асоси ҳадафҳои рушди мамлакатро мавриди баррасӣ қарор доданд.
Дар робита ба ин Вазири рушди иқтисод ва савдои ҷумҳурӣ аз муовини Раиси Бонки Авруосиёии Рушд дархост намуд, ки маблағгузорӣ ба соҳаҳои иҷтимоию иқтисодии Тоҷикистон барои ноил гардидан ба ҳадафу афзалияти стратегии Ҳукумати ҷумҳурӣ, аз ҷумла саноатикунонӣ, энергетика, тақвияти иқтидори содиротӣ, рушди иқтисоди «сабз» ва рақамӣ зиёд шавад.
Муовини Раиси Бонки Авруосиёии Рушд омодагии худро барои зиёд намудани маблағгузории лоиҳаҳо дар самтҳои гуфташуда баён намуд. Ҷонибҳо итминон доданд, ки сандуқи сармоягузории бонкро дар Ҷумҳурии Тоҷикистон то 3 фоизи ҳаҷми умумии сандуқи сармоягузории бонк то охири соли равон афзоиш диҳанд.
Бояд ёдовар шуд, ки то имрӯз аз ҷониби Бонки Авруосиёии Рушд ва сохторҳои он 13 лоиҳаи сармоягузорӣ ба маблағи умумии 266,4 млн доллар, аз ҷумла 7 лоиҳаи грантию имтиёзноки Хазинаи АвруОсиёи Устуворӣ ва Рушди БАОР ба маблағи 215 млн доллар ва 6 лоиҳаи худи бонк ба маблағи 51,4 млн доллар дар соҳаҳои гуногуни иқтисоди Ҷумҳурии Тоҷикистон амалӣ шудаанд.
АКС: Вазорати рушди иқтисод ва савдои Ҷумҳурии Тоҷикистон
Дар доираи татбиқи 6 созишномаи сармоягузорӣ дар Тоҷикистон беш аз 2 ҳазор ҷойи нави кор таъсис дода мешавад
Ҳаҷми умумии маҳсулоти кишоварзӣ дар вилояти Хатлон беш аз 17 миллиард сомониро ташкил медиҳад
ҚУРБИ АСЪОР: 1 рубли русӣ аз 0.1070 то 0.1170 сомонӣ муқаррар шудааст
НИШАСТИ МАТБУОТӢ. Дар Файзобод дар шаш моҳ 10,6 миллион сомонӣ ба фаъолияти соҳибкорӣ равона гардидааст
Байни вазоратҳои адлияи Тоҷикистон ва Узбекистон Ёддошти тафоҳум ба имзо расид
НИШАСТИ МАТБУОТӢ. Ҳаҷми истеҳсоли маҳсулоти саноатӣ дар корхонаҳои шаҳри Ваҳдат беш аз 600 миллион сомониро ташкил дод
Беш аз 60 маркази шаҳру ноҳияҳо бо нақшаи генералӣ таъмин мебошанд
Дурнамои ҳамкории дуҷонибаи вазоратҳои молияи Тоҷикистон ва Беларус баррасӣ гардид
Ҳаҷми истеҳсоли маҳсулоти кишоварзӣ дар минтақаи Кӯлоб ба беш аз 5 миллиард сомонӣ расонида шудааст
Дар ноҳияи Бобоҷон Ғафуров корхонаи нави истеҳсоли обҳои ташнагишикан бунёд карда мешавад
Бонкҳо ва ташкилоти қарзии Тоҷикистон ба соҳибкорон беш аз 6,3 миллиард сомонӣ қарз пешниҳод намудаанд
