Комиссияи марказии интихоботии Узбекистон Шавкат Мирзиёевро президенти интихобшуда эълон намуд
ДУШАНБЕ, 10.07.2023 /АМИТ «Ховар»/. Шавкат Мирзиёев Президенти Ҷумҳурии Узбекистон интихоб гардид. 87,05 фоизи интихобкунандагон ба тарафдории ӯ овоз доданд, иттилоъ дод раиси Комиссияи марказии интихоботии Узбекистон Зайниддин Низомхоҷаев, хабар медиҳад мухбири АМИТ «Ховар» аз Тошканд.
Мувофиқи маълумоти пешакии Зайниддин Низомхоҷаев, 87,05% интихобкунандагон ба Шавкат Мирзиёев, номзад аз Ҳизби либералӣ — демократӣ ва Ҳизби демократии «Миллийтикланиш» («Эҳёи миллӣ) овоз доданд. Комиссияи марказии интихоботии Узбекистон ӯро президенти интихобшуда эълон намуд.
Робахон Маҳмудова аз Ҳизби сотсиал — демократии «Адолат» («Адолат») 4,43 % овозҳо, Улуғбек Иноятов аз Ҳизби халқии демократӣ 4,02 % овозҳо ва Абдушукур Ҳамзаев аз Ҳизби экологӣ 3,74% овозҳоро ба даст оварданд.
Тибқи Кодекси интихоботи Ҷумҳурии Узбекистон, Президенти Ҷумҳурии Узбекистон аз лаҳзаи савганд ёд намудан дар ҷаласаи якҷояи палатаҳои Маҷлиси Олии Ҷумҳурии Узбекистон на дертар аз ду моҳ аз рӯзи эълони расмии натиҷаҳои интихоботи президентӣ аз ҷониби Комиссияи марказии интихобот ба вазифаи худ шуруъ менамояд.
АКС: АМИТ «Ховар»
Даҳҳо ҳазор нафар дар ҷануби Чин бар асари тӯфон кӯчонида шуданд
Дар Ҳиндустон ҳавопаймо суқут кард
Дар Фаронса барои кӯдакони то 15-сола истифодаи шабакаҳои иҷтимоӣ манъ карда мешавад
Дар Қазоқистон пешниҳод намуданд, ки пӯшидани фаранҷӣ ва ниқоб манъ карда шавад
«МО ЯК УҚЁНУСЕМ». Фаронса мизбони сеюмин Конфронси СММ оид ба Уқёнус хоҳад буд
Палатаи поёнии парлумони Беларус дар ҳайати пурра интихоб гардид
Қатар барои шаҳрвандони Тоҷикистон раводидро бекор намуд
Прабово Субианто дар интихоботи президенти Индонезия пирӯз гардид
Директори генералии Созмони ҷаҳонии тандурустӣ Тедрос Аданом Гебрейесус изҳор намуд, ки ҷаҳон ба пандемияи нав омода нест
Александр Стубб дар интихоботи президентии Финландия пирӯз шуд
Дар интихоботи президентии Озарбойҷон Илҳом Алиев бо гирифтани 92,05% овози интихобкунандагон пешсаф мебошад
Теъдоди ҳалокшудагон бар асари сӯхтори ҷангал дар Чили ба 131 нафар расид
