НИШАСТИ МАТБУОТӢ. Ба муҳоҷират рафтани табибон дар сатҳи вилояти Хатлон 50 фоиз коҳиш ёфтааст
ДУШАНБЕ, 27.07.2023 /АМИТ «Ховар»/. «Ба муҳоҷират рафтани табибон дар сатҳи вилояти Хатлон 50 фоиз коҳиш ёфтааст. Аксари табибоне, ки ба муҳоҷирати меҳнатӣ ба хориҷи мамлакат рафта буданд, баъди чанд муддат баргашта, дар ҷойи кори собиқашон фаъолият доранд». Чунин иброз дошт сардори Раёсати тандурустии вилояти Хатлон Шайдулло Шарифзода 26 июл зимни нишасти матбуотӣ ба рӯзноманигорон.
Ба иттилои манбаъ, то 1 июли соли 2023 дар муассисаҳои тандурустии шаҳру ноҳияҳои вилояти Хатлон ҳамагӣ 4160 табиб ва 21 053 корманди миёнаи тиббӣ фаъолият бурда истодаанд.
Дар нишасти матбуотӣ гуфта шуд, ки дар айни замон дар ҳудуди вилоят беш аз 600 нафар кормандони соҳаи тиб намерасанд. 40 нафар мутахассисони муассисаҳои тиббии шаҳру ноҳияҳои вилоят ба хориҷи мамлакат барои такмили ихтисос ҷалб шудаанд.
Дар муассисаҳои тандурустии вилояти Хатлон 2 доктори илмҳои тиб ва 27 номзади илмҳои тиб фаъолияти пурсамар доранд. Аз ин шумора як доктори илм ва як номзади илмҳои тиб аз ҷумлаи занон мебошанд.
Имсол дар муассисаҳои тиббии вилоят 15 усули нави ҷарроҳӣ ба роҳ монда шудааст.
АКС: Мақомоти иҷроияи ҳокимияти давлатии вилояти Хатлон
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
