Шумораи аҳолии Ҷопон бори аввал дар 55 соли охир коҳиш ёфт

ДУШАНБЕ, 29.07.2023 /АМИТ «Ховар»/. Аҳолии Ҷопон соли 2022 нисбат ба як соли пеш 801 000 нафар кам шуда, ба 122 423 038 нафар расид. Ин бузургтарин коҳиши шумораи аҳолӣ дар таърихи Ҷонпон аст, ки дар тамоми 47 воҳиди маъмурию марзӣ аз соли 1968 ба инҷониб сабт шудааст. Тавре АМИТ «Ховар» иттилоъ медиҳад, дар ин хусус АБИ «Казинформ» бо истинод ба Kyodo хабар додааст.

Тибқи таҳқиқоти демографии Вазорати корҳои дохилӣ ва коммуникатсия,  то 1 январи соли 2023 аҳолии Ҷопон бо шумули сокинони хориҷӣ 125 миллиону 416 ҳазору 877 нафарро ташкил дод, ки нисбат ба як соли пеш тақрибан 511 000 нафар кам шудааст.

Ин тамоюл зарурати таҳияи тадбирҳо барои ҳалли масъалаи коҳиши сатҳи таваллуд ва беҳтар кардани имконияти шуғли ҷавонон ва занон дар минтақаҳоро ба миён меорад.

Сарвазир Фумио Кишида даъват намуд, ки тадбирҳои «бесобиқа» барои баланд бардоштани сатҳи таваллуд ҳамчун кӯшиши охирин барои боздоштани коҳиши аҳолӣ то соли 2030 андешида шаванд, аммо дар бораи то чӣ андоза муассир будани ин чораҳо шубҳаҳо вуҷуд доранд.

Теъдоди шаҳрвандони Ҷопон дар тӯли 14 сол паиҳам коҳиш меёбад: сатҳи рекордии пасти таваллуд дар Ҷопон, ки 772 000 кӯдакро ташкил медиҳад, аз сатҳи рекордии 1,57 миллион фавт хеле зиёд аст.

Шумораи аҳолии Окинава, ки соли гузашта афзуда буд, имсол бори аввал аз соли 1973 кам шудааст.

Шумораи аҳолии қобили меҳнат ё одамони аз 15 то 64-сола 0,03 маротиба афзуда, 59,03 фоизи тамоми аҳолиро ташкил дод.

Азиза ИКРОМ,
АМИТ «Ховар»

АКС: АБИ «КАЗИНФОРМ»