То соли 2040 беш аз 9 миллион бритониёиҳо гирифтори бемориҳои ҷиддӣ хоҳанд шуд

ДУШАНБЕ, 27.07.2023 /АМИТ «Ховар»/. То соли 2040 беш аз 9 миллион нафар дар Англия бо бемориҳои ҷиддӣ, ба мисли деменсия (фаромӯшхотирӣ), диабет, саратон, афсурдаҳолӣ ва бемории музмини гурда зиндагӣ хоҳанд кард. Тавре АМИТ «Ховар» иттилоъ медиҳад, дар ин хусус АБИ «Казинформ» хабар додааст.

Тибқи гузорише, ки Бунёди тандурустии Британия нашр намудааст, шумораи афроди мубтало ба бемориҳои ҷиддӣ дар Англия ба 9,1 миллион нафар мерасад, ки ин нисбат ба соли 2019 37% зиёд мебошад.

Интизор меравад, ки то соли 2040 гирифторони бемории дементсия (фаромӯшхотирӣ) 45%, бемории музмини гурда 34%, нокомии дил 92%, саратон 31%, диабет 48%, изтироб ё депрессия 16% афзоиш ёбанд.

Дар ин ҳолат 80% афзоиши пешбинишудаи шумораи бемориҳои ҷиддӣ (2 миллион нафар) ба одамони синни 70 ва аз он боло ва 20% боқимонда (500 ҳазор нафар) ба аҳолии синни қобили меҳнат (20-69-сола) рост меояд.

Инчунин интизор меравад, ки беҳтар шудани вазъ бо баъзе сабабҳои асосии саломатӣ, аз қабили кам шудани тамокукашӣ ва паст шудани сатҳи холестерин аз таъсири фарбеҳӣ бартараф шавад.

«Масъалаи пиршавии аҳолӣ ва афзоиши шумораи бемориҳои ҷиддӣ танҳо ба системаи тандурустии Британия хос нест. Кишварҳои саросари ҷаҳон низ бо ин гуна мушкилот рӯбарӯ ҳастанд»,- ишора мекунад директори маркази тадқиқоти Бунёди тандурустӣ Анита Чарлзворт.

 Азиза ИКРОМ,
АМИТ «Ховар»

АКС аз манбаъҳои боз