Аз 4 то 6 август дар Тоҷикистон ҳавои пурчангу ғубор дар назар аст
ДУШАНБЕ, 02.08.2023 /АМИТ «Ховар»/. Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо истинод ба маълумоти Агентии обуҳавошиносии мамлакат хабар медиҳад, ки 4-6 август дар қаламрави вилоятҳои Хатлон, ҳамчунин навоҳии тобеи ҷумҳурӣ ва шаҳри Душанбе ворид шудани омилҳои метеорологӣ – чангу хок аз самти ноҳияҳои ҷанубу ғарбӣ ва ғарбӣ сабаби олудагии ҳаво мешавад. Дар ин хусус АМИТ «Ховар» бо истинод ба Кумита хабар медиҳад.
Дар иртибот ба ин кумитаи мазкур барои пешгирӣ аз хатари ин гуна ҳавои номусоид тавсия медиҳад, ки дар ин рӯзҳо бештар оби тоза бояд нӯшид, ҳатто дар як рӯз на камтар аз 2-2,5 литр ва аз ин миқдор агар 0,5 литр оби минералӣ бошад, боз беҳтар аст. То ҳадди имкон тирезаҳои хонаҳоро пӯшидан хуб аст.
Пайваста ҳавои дохили хонаро поку тоза нигоҳ доштан ба манфиат аст, бо латтаи нарму нам тоза кардани фарш ва тирезаҳоро фаромӯш набояд намуд.
Ба онҳое, ки гирифтори бемориҳои диққи нафас ва дилу фишорбаландӣ мебошанд, истифода аз доруҳо ва дар сурати зарурат муроҷиат ба духтур ҳатмӣ мебошад.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Владимир Путин ба Эмомалӣ Раҳмон: Ҳеҷ неруе наметавонад муносибатҳои бародаронаи мардумони ду давлатро халалдор намояд
«ВАССОФИ ВАТАН». Фестивал-озмуни тарғибгари дастовардҳои миллӣ оғоз гардид
ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Масъалаи зиёд намудани сармоягузорӣ ба татбиқи Неругоҳи барқи обии «Роғун» баррасӣ гардид
Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом доданд
Сарвари давлат Эмомалӣ Раҳмон ҷаласаи Шурои амният баргузор намуданд
Президенти Ҷумҳурии Тоҷикистон Эмомалӣ Раҳмон аз сафирони нави якчанд давлат эътимоднома қабул намуданд
