БА ПЕШВОЗИ 35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Турсунзода иншооти соҳаи тандурустӣ бунёд мешаванд
ДУШАНБЕ, 18.08.2023. /АМИТ «Ховар»/. Ба истиқболи ҷашни 35-солагии Истиқлолияти давлатии Тоҷикистон дар шаҳри Турсунзода якчанд иншооти соҳаи тандурустӣ ба истифода дода шуда, бунёди чанд иншооти дигар идома дорад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳр хабар медиҳад.
Танҳо дар шашмоҳаи аввали соли равон як маркази саломатии деҳавӣ, ду хонаи саломатӣ ва як маркази кардиологӣ ба истифода дода шуда, айни ҳол сохтмони ду маркази саломатӣ ва таъмири мукаммали маркази саломатии деҳавӣ ва дар заминаи он таъсиси таваллудхонаи минтақавӣ идома дорад.
Дар маҷмуъ, дар доираи корҳои ободонӣ ҷиҳати сазовор пешвоз гирифтани ҷашни 35-солагии Истиқлолияти давлатии Ҷумҳурии Тоҷикистон бо ташаббуси мақомоти иҷроияи ҳокимияти давлатии шаҳр дар ҳамкорӣ бо фаъолону соҳибкорон ва шарикони рушд дар ҳудуди шаҳру деҳоти Турсунзода бунёду барқарорсозии беш аз 30 иншооти соҳаи тандурустӣ ба нақша гирифта шуда, аксари онҳо мавриди истифода қарор гирифтаанд.
Бояд гуфт, ки дар ҳама давру замон солимии ҷомеа аз масъалаҳои муҳими давлатдорӣ ба ҳисоб рафта, Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон саломатии аҳолии Тоҷикистонро боигарии асосии давлату миллат арзёбӣ намудаанд.
АКС: Мақомоти иҷроияи ҳокимияти давлатии шаҳри Турсунзода
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
