Дар фабрикаҳои дӯзандагии ноҳияи Ашт беш аз 56 ҳазор бастаи либосҳои мактабӣ истеҳсол гардид
ДУШАНБЕ, 05.08.2023 /АМИТ «Ховар»/. То ин муддат дар 7 корхонаи дӯзандагии ноҳияи Ашт 56 ҳазору 488 бастаи либоси мактабӣ истеҳсол шудааст, ки 82% нақшаи муқарраргардидаро ташкил медиҳад. То оғози соли хониш хонандагон бо либоси мактабӣ пурра таъмин мегарданд. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд иттилоъ медиҳад.
Ҳамзамон иттилоъ дода шуд, ки ҳаҷми умумии маҳсулоти кишоварзӣ дар ноҳияи Ашт дар 6 моҳи соли равон ба 532,1 миллион сомонӣ расидааст, ки нисбат ба ҳамин давраи соли 2022 171,5 миллион сомонӣ зиёд буда, суръати афзоиш 147,6% — ро ташкил додааст.
Кишти баҳории зироати ғалладона дар майдони умумии 8647 гектар, дигар зироат дар 9946 гектар ба нақша гирифта шудааст, ки ба 115% нақшаи солона баробар буда, нисбат ба ҳамин давраи соли гузашта 79 гектар зиёд мебошад.
Дар хоҷагиҳои деҳоти ноҳия аз ҳисоби заминҳои бекормонда ва доманакӯҳ 139,5 гектар боғ бунёд гардидааст, ки 4 гектари майдони умумии онро боғҳои серҳосил ташкил медиҳанд. Ҳамчунин боғҳои мевадиҳандаи кӯҳна дар майдони 110,5 гектар барқарор шуданд.
Дар корхонаҳои хоҷагии деҳоти ноҳия ҷамъоварии ғалла, картошка, сабзавот ва мева бо суръати тез идома дорад. Имсол боғдорони вилоят 19 ҳазору 977 тонна ғалла, 19 ҳазору 894 тонна зардолу чамъоварӣ намуданд. Дар давраи ҳисоботӣ аз вилоят зиёда аз 5 ҳазор тонна меваи тоза ба хориҷа бароварда шуд.
АКС: Хадамоти матбуоти Раиси вилояти Суғд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Одил Дониш хостори тақвияти ҳамкорӣ бо Тоҷикистон гардидааст
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар шаҳри Бӯстон корхонаи истеҳсоли хӯроки чорво ва парандаи ҶДММ «Базаи таъминот»-и ширкати Барсро ифтитоҳ намуданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе корхонаи масолеҳи сохтмонии ҶДММ «Эко Блок»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат коргоҳи коркарди моҳии ҶДММ «Баҳор»-ро ифтитоҳ намуданд
Сарвари давлат Эмомалӣ Раҳмон дар шаҳри Ваҳдат корхонаи истеҳсолии «Алянс мебел»-ро мавриди истифода қарор доданд
Дар вилояти Суғд Парки саноатии металлургияи ранга таъсис дода мешавад
