Ташаббусҳои глобалии Тоҷикистон дар Канада баррасӣ шуданд
ДУШАНБЕ, 28.08.2023 /АМИТ «Ховар»/. Ташаббусҳои глобалии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти об ва тағйирёбии иқлим зимни мулоқоти Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо Вазири рушди байналмилалии Канада Аҳмед Ҳуссен баррасӣ гардид. Ба АМИТ «Ховар» дар Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ доданд, ки мулоқот дар ҳошияи Ассамблеяи 7-уми Фонди глобалии экологӣ дар шаҳри Ванкувери Канада доир гардид.
Мусоҳибон доир ба масъалаҳои марбут ба экология, ташаббусҳои ҷаҳонии Тоҷикистон дар масоили об, ҳифзи пиряхҳо ва тағйирёбии иқлим, хусусан баргузории Конфронси байналмилалӣ оид ба ҳифзи пиряхҳо, ки соли 2025 дар шаҳри Душанбе пешбинӣ гардидааст, ибрози назар намуданд.
Бояд тазаккур дод, ки Ассамблеяи Фонди глобалии экологӣ дар чор сол як маротиба баргузор мегардад. Яке аз масъалаҳои асосии рӯзномаи он оғози фаъолияти Фонди глобалии гуногунии биологӣ (GBFF) мебошад, ки ба сармоягузории соҳаи экологияи кишварҳои дар ҳоли рушд мусоидат менамояд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Владимир Путин ба Эмомалӣ Раҳмон: Ҳеҷ неруе наметавонад муносибатҳои бародаронаи мардумони ду давлатро халалдор намояд
«ВАССОФИ ВАТАН». Фестивал-озмуни тарғибгари дастовардҳои миллӣ оғоз гардид
ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Масъалаи зиёд намудани сармоягузорӣ ба татбиқи Неругоҳи барқи обии «Роғун» баррасӣ гардид
Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом доданд
Сарвари давлат Эмомалӣ Раҳмон ҷаласаи Шурои амният баргузор намуданд
Президенти Ҷумҳурии Тоҷикистон Эмомалӣ Раҳмон аз сафирони нави якчанд давлат эътимоднома қабул намуданд
