Ҳарифони паҳлавонони тоҷик дар мусобиқаи Baku Grand Slam 2023 оид ба гӯштини ҷудо муайян шуданд
ДУШАНБЕ, 22.09.2023 /АМИТ «Ховар»/. Имрӯз дар шаҳри Бокуи Озарбойҷон мусобиқаи «Baku Grand Slam 2023» оид ба гӯштини ҷудо оғоз шуд, ки то 24 сентябр идома меёбад. Дар ин мусобиқаи сатҳи баланд Ҷумҳурии Тоҷикистонро 8 ҷудочӣ — Муҳаммадсолеҳ Қувватов дар вазни то 60 кг, Эмомалӣ Нуралӣ дар вазни то 66кг, Маҳмадшариф Наҷмиддинов дар вазни то 73 кг, Шодмон Ризоев дар вазни то 81 кг, Ҷаҳонгир Маҷидов дар вазни то 90 кг, Эмомризо Анварзода дар вазни то 100 кг ва Мансур Раҳмон ҳамроҳ бо Шакармамад Мирмамадов дар вазни +100 кг муаррифӣ менамоянд. Дар ин хусус шореҳи варзиши АМИТ «Ховар» хабар медиҳад.
21 сентябр дар шаҳри Бокуи Озарбойҷон маросими қуръакашии мусобиқаи «Baku Grand Slam 2023» доир гардид. Дар мусобиқа 447 варзишгар аз 61 давлат иштирок намуд. Пас аз натиҷаи қуръакашӣ дар даври аввал 22 сентябр Муҳаммадсолеҳ Қувватов дар вазни то 60 кг бо Йелдос Сметов аз Қазоқистон, Эмомалии Нуралӣ дар вазни то 66 кг дар даври аввал бо Страҳинҷа Бунчич аз Сербия дар ҳамин рӯз гӯштин мегиранд.
23 сентябр Маҳмадшариф Наҷмиддинов дар вазни то 73 кг дар даври аввал бо Жансай Смагулов аз Қазоқистон ва Шодмон Ризоев дар вазни то 81 кг дар даври дуюм бо Лачлан Мурҳид аз Британияи Кабир гӯштин мегиранд.
Дар рӯзи охири мусобиқа Ҷаҳонгир Маҷидов дар вазни то 90 кг дар даври дуюм бо ғолиби ҷуфти Владимир Ахалкатски аз Гурҷистон ва Даниел Нието аз Испания неру месанҷад. Эмомризо Анварзода дар вазни то 100 кг дар даври аввал бо Иссаан Беззина аз Малта, Шакармамад Мирмамадов дар вазни +100 кг дар даври аввал бо Мариус Физел аз Словакия ва Мансур Раҳмон дар вазни +100 кг дар даври аввал бо Хориучи Филип аз Амрико дар ҳамин рӯз гӯштин мегиранд.
Ёдовар мешавем, ки Мусобиқаи «Baku Grand Slam 2023» оид ба гӯштини ҷудо аз 22 то 24 сентябр дар шаҳри Бокуи Ҷумҳурии Озарбойҷон доир мегардад. Фонди умумии ҷоизаҳои мусобиқа 154 000 евроро ташкил медиҳад. Ғолибони ҷойи аввал дар ҳамаи 14 вазн 5000 евро, барандагони медали нуқра 3000 евро ва медали биринҷӣ 1500 евро ҷоизапулӣ дарёфт менамоянд.
АКС аз манбаъҳои боз
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
