«ҶАВОНОН-ТАҲКИМБАХШИ ДАСТОВАРДҲОИ ДАВРОНИ СОҲИБИСТИҚЛОЛӢ ВА ПАЙРАВОНИ ПЕШВОИ МИЛЛАТ». Бо иштироки беш аз 400 ҷавони фаъол ҳамоиш доир шуд
ДУШАНБЕ, 06.09.2023. /АМИТ «Ховар»/. Ҷавонони Тоҷикистон имрӯз дар баробари дигар қишри ҷомеа дар пешбурди соҳаҳои гуногуни иқтисоди миллӣ содиқонаву софдилона фаъолият доранд. Аз ҷаҳду талош ва фаъолияти намунавии онҳо эҳсос мегардад, ки ин қишри ояндасози ҷомеа дар зери ливои Истиқлолияти давлатӣ бо боварии комил ба сӯи фардои дурахшон қадамҳои устувор мегузоранд. Ин матлаб имрӯз зимни баргузории Конференсияи ҷумҳуриявии «Ҷавонон-таҳкимбахши дастовардҳои даврони соҳибистиқлолӣ ва пайравони Пешвои миллат» баён гардид, хабар медиҳад АМИТ «Ховар».
Ҳамоиш бахшида ба 32-солагии Истиқлолияти давлатии Ҷумҳурии Тоҷикистон бо фарогирии беш аз 400 нафар ҷавонони фаъоли ҷумҳурӣ доир шуд.
Ҳадаф аз баргузории ҳамоиши мазкур — ин дар замири ҷавонон парвариши эҳсоси гарми ватандӯстӣ, ҳифзи манфиатҳои миллӣ, таҳким бахшидан ба дастовардҳои даврони соҳибистиқлолӣ ва қадр намудани хизматҳои шоёни Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз ҷониби қишри фаъоли ҷомеа мебошад.
Таъкид шуд, ки ҷавонони Тоҷикистон чун дигар ҷавонони ҳамнабзи сайёра навоварӣ менамоянду худро ҳамқадами аср меҳисобанд, ки ин ҳама самараи Истиқлолияти мамлакат ва заҳматҳои шабонарӯзии Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон мебошад.
Тавре Сарвари давлат изҳор намудаанд: «Мо бо ҷавонони созандаи худ ифтихор менамоем, чунки ҷавонони даврони соҳибистиқлолии Ватанамон имрӯз бо нангу номуси миллӣ, ташаббусҳои шоиста ва эҳсоси баланди ватандорӣ дар рушди Тоҷикистони азиз ҳиссаи арзишманд мегузоранд ва ба Модар — Ватани худ содиқона хизмат менамоянд».
Дар конференсия Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Эмомалӣ Насриддинзода, роҳбарону намояндагони вазоратҳо, кумитаву идораҳо, дорандагони Ҷоизаи ба номи Исмоили Сомонӣ, гирандагони стипендияи президентӣ, олимону муҳаққиқони ҷавон, волонтёрон, ҷавонони фаъоли мамлакат ва намояндагони ВАО иштирок намуданд.
Дар фарҷом ба як зумра ҷавонону варзишгарони фаъоли мамлакат мукофоту ҷоизаҳои давлатӣ супорида шуданд.
Зарангези ЛАТИФ,
АМИТ «Ховар»
АКС: АМИТ «Ховар»
Дар вилояти Хатлон беш аз 40 мактаби варзишӣ фаъолият дорад
Дар ноҳияи Ванҷ Литсейи касбии техникӣ сохта мешавад
Ширкати «IRS» ба мавсими зимистон омодагии ҷиддӣ дидааст
ОИЛАИ СОЛИМ. Омодасозии фарзандон ба ҳаёти мустақилона масъалаи муҳим аст
Тавзеҳот ба Фармони Президенти Ҷумҳурии Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар Қоҳира 35-солагии Истиқлоли Тоҷикистонро таҷлил намуданд
Дар нимаи моҳи октябр дар Тоҷикистон пастшавӣ ва тағйирёбии ҳарорати ҳаво дар назар аст
ПУРСИДЕД, ҶАВОБ МЕДИҲЕМ. Пеш аз сафар ба Федератсияи Русия чиро бояд донист?
ЗАБОН-РУКНИ МУҲИММИ ДАВЛАТДОРИИ МИЛЛӢ. Дар Донишгоҳи миллии Тоҷикистон таҳти унвон ҳамоиш баргузор гардид
Институти астрофизика бо таҷҳизоти муосири астрономӣ таъмин гардид
«ХУШДОМАНИ БЕҲТАРИН». Шоҳҷоизаи озмун насиби Холбӣ Амонбекова аз шаҳри Хоруғ гардид
Дар Тоҷикистон ду нафари аз 110-сола боло зиндагӣ менамоянд
