ГУЛҲОИ ДУШАНБЕ. Дар гулгаштҳои пойтахт то имрӯз 15 миллиону 947 ҳазору 307 дона гул шинонида шудааст
ДУШАНБЕ, 11.09.2023 /АМИТ «Ховар»/. Бо дастури Мақомоти иҷроияи ҳокимияти давлатии шаҳри Душанбе бо инобати таъмини сарсабзию шукуфоии пойтахт ба истиқболи сазовори ҷашни миллӣ- 32-солагии Истиқлолияти давлатии Ҷумҳурии Тоҷикистон дар кӯчаву хиёбон, гулгашт ва боғҳои фарҳангию фароғатии шаҳри Душанбе ба миқдори 1 миллиону 800 ҳазор дона гулҳои мавсимӣ шинонида шуданд, ки воқеан ба кӯчаҳои пойтахт ҳусни дигар зам намуда, гулгашту хиёбонҳо назаррабо гардиданд. Дар ин хусус корманди Сарраёсати ҳифзи муҳити зист дар шаҳри Душанбе Саидаҳмади Акрампур ба хабарнигори АМИТ «Ховар» Субҳониддини Маҳмуд иттилоъ дод.
Бо мақсади ободу зебо намудани қитъаҳои алоҳидаи ноҳияҳои пойтахт ва мутобиқ ба талаботи агротехникӣ шинонидани дарахту бутта ва гулу сабзазор дар асоси қарори Раиси шаҳри Душанбе аз 6 июни соли 2022 «Дар бораи тасдиқи нақшаи чорабиниҳо оид ба ниҳолшинонию сабзкорӣ дар мавсими тирамоҳи соли 2022 ва баҳори соли 2023 дар шаҳри Душанбе» кӯчати 131 миллиону 473 ҳазору 15 дона гулҳои мавсимию бисёрсола ва лола дар гулгашту хиёбон ва боғҳои фарҳангу фароғатии пойтахт ба нақша гирифта шуд. То имрӯз тибқи қарори болозикр дар ҳудуди ноҳияҳои пойтахт ба миқдори 15 миллиону 947 ҳазору 307 дона гул шинонида шудааст, ки аз ин 7 миллиону 214 ҳазору 631 дона гулҳои мавсимӣ, 3 миллиону 031 ҳазору 759 дона гулҳои бисёрсола ва 5 миллиону 700 ҳазору 917 дона гули лола мебошад.
Бо мақсади таъмин намудани кӯчаву хиёбон ва боғу гулгаштҳо бо гулҳои тару тозаи ороишӣ бо дастури Мақомоти иҷроияи ҳокимияти давлатии шаҳри Душанбе дар ҳудуди Корхонаи воҳиди давлатии “Сабзкорӣ”-и шаҳри Душанбе бо ҷалби мутахассисон бо истифода аз усулҳои парвариши муосири гулпарварӣ гулҳои гуногун парвариш ва дар вақти муайян дар гулгашту хиёбонҳои пойтахт шинонида мешаванд.
АКС: АМИТ «Ховар»
Дар ноҳияи Ашт неругоҳи офтобӣ ба истифода дода мешавад
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
ОМОРИ МУОСИР ВА ЗАРУРАТИ ТАРБИЯИ КАДРҲОИ РАҚОБАТПАЗИР. Андешаҳо дар ин маврид
Сарвари давлат Эмомалӣ Раҳмон дар шаҳри Турсунзода якчанд иншооти иҷтимоӣ, истеҳсолӣ ва хизматрасониро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода муассисаи таҳсилоти миёнаи умумии рақами 21-ро ба истифода доданд
Раиси шаҳри Душанбе бо Раиси шаҳри Шероз мулоқот намуданд
Пешвои миллат Эмомалӣ Раҳмон корхонаи «Ноқили Турсунзода»-ро ифтитоҳ намуданд
Раиси шаҳри Душанбе Рустами Эмомалӣ бо дастовардҳои сокинони вилояти Суғд шинос шуданд
