«Ин Раша Тревел» тасмим гирифтааст сайёҳони тоҷикро ба шаҳрҳои туристии Русия ҷалб намояд
ДУШАНБЕ, 29.09.2023 /АМИТ «Ховар»/. Ширкати туристии Русия «Ин Раша Тревел» тасмим гирифтааст, ки дар оянда ҳамкориро бо ширкатҳои сайёҳии Тоҷикистон ба роҳ монад.
Директори генералии ширкати туристии Русия «Ин Раша Тревел» Алексей Плюшев, ки ҷиҳати иштирок дар Форуми байналмилалии «Душанбе-инвест 2023» бо ҳайати баландпояи соҳибкорону сармоягузорони Русия ба Тоҷикистон омадааст, дар суҳбат ба хабарнигори АМИТ «Ховар» гуфт, ки «дар доираи сафар ба Тоҷикистон бо чандин намояндагони доираҳои соҳибкорӣ ва сармоягузорӣ мулоқот доштам, ки он барои рушди минбаъдаи ҳамкорӣ мусоидат менамояд».
Директори генералии ширкати туристии «Ин Раша Тревел» Алексей Плюшев афзуд, ки «Тоҷикистон барои Русия яке аз бозорҳои дастрас дар самти густариши сайёҳӣ маҳсуб мешавад, зеро байни ду давлат танҳо дар як рӯз чандин парвози ҳавоӣ ба шаҳрҳои гуногуни Русия анҷом дода мешавад. Рисолати тиҷоратии ман ба он равона шудааст, ки барои сайёҳати дуҷониба самтҳои нави сайру саёҳат, пешкаш намоям».
Мавсуф афзуд, ки «Форуми байналмилалии Душанбе- инвест 2023», ки дар он беш аз 600 нафар соҳибкорону сармоягузорон аз 40 давлати дунё иштирок доранд, майдони фарохе аст барои ба роҳ мондани ҳамкорӣ, ҷалби сармоя, рушди соҳибкорӣ ва сайёҳӣ».
Марзия САИДЗОДА,
АМИТ «Ховар»
АКС: АМИТ «Ховар»
Имрӯз дар водиҳои Тоҷикистон ҳаво то 39 дараҷа гарм мешавад
Дар Суғд беш аз 75 ҳазор нафар кӯдакону наврасон ба истироҳат фаро гирифта мешаванд
Дар истироҳатгоҳи «Ширкент» зиёда аз 1300 нафар кӯдакону наврасон истироҳат менамоянд
Қарзи давлатии ҷаҳонӣ ба 102 триллион доллар расид
Дар ноҳияи Рӯдакӣ 933 ҳолати қоидавайронкунии истифодаи неруи барқ ошкор карда шуд
Дар Маркази солимгардонии Суғд беш аз 200 нафар кӯдакону наврасон ба истироҳат ҷалб гардидаанд
Сокинони Анқараро даъват карданд, ки обро сарфакорона истифода намоянд
Мегафон Тоҷикистон: «Вақте роҳати хона бештар аст»
Имрӯз дар шаҳри Душанбе ҳаво то 37 дараҷа гарм мешавад
САЙРИ БАДАХШОН. Дар вилоят 647 адад ёдгориҳои таърихӣ, табиӣ ва монументалӣ ҷойгир мебошанд
Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
