Сокинони деҳаи Сангпари Кӯлоб соҳиби мактаби замонавӣ гардиданд
ДУШАНБЕ, 17.09.2023. /АМИТ «Ховар»/. Бахшида ба 32-солагии Истиқлолияти давлатии Ҷумҳурии Тоҷикистон дар деҳаи Сангпари Ҷамоати деҳоти Зиракии шаҳри Кӯлоб бинои нави муассисаи таълимии №48 барои 320 хонанда дар як баст сохта шудааст, ки дорои 12 синфхонаи таълимӣ, аз ҷумла кабинетҳои фаннӣ, синфхонаи компютерӣ, китобхона, майдончаҳои варзишӣ ва толори хонишу маҷлисгоҳ мебошад, иттилоъ медиҳад хабарнигори АМИТ «Ховар».
Тавре сардори филиали Раёсати сохтмони асосии вилояти Хатлон дар минтақаи Кӯлоб Аскар Бобоев изҳор дошт, мактаби мазкур бо дастгирии Ҳукумати Ҷумҳурии Тоҷикистон ва Мақомоти иҷроияи ҳокимияти давлатии вилояти Хатлон сохта шуда, фармоишгари он филиали Раёсати сохтмони асосии вилояти Хатлон дар минтақаи Кӯлоб ва пудратчии сохтмон ҶДММ «Уҳда» мебошад.
Номбурда ҳангоми суҳбат аз дастгириҳои Ҳукумати мамлакат, хосса Пешвои миллат муҳтарам Эмомалӣ Раҳмон барои чунин муассисаи таълимии наву замонавӣ изҳори сипосу миннатдорӣ намуда, афзуд, ки муассисаи таълимӣ аз ду бино иборат аст. Он барои 640 хонанда пешбинӣ гардида, навбати якуми бинои таълимӣ барои 320 хонанда сохта шудааст. Синфхонаҳои он бо тамоми шароити замонавӣ, аз ҷумла лавозимоти хониш муҷаҳҳаз гардонида шудаанд.
Ҳамчунин гуфта шуд, ки дар деҳаи Сангпар беш аз 760 хоҷагӣ зиндагӣ менамоянд. Солҳои зиёд фарзандони сокинони ин деҳа дар орзуи муассисаи нави таълимӣ буданд. Онҳо аз набудани мактаб 2 км роҳро тай карда, ба Муассисаи таҳсилоти миёнаи умумии №12- и деҳаи Корези боло барои таҳсил мерафтанд.
АКС: АМИТ «Ховар»
85 фоизи хатмкунандагони филиали Донишгоҳи миллии таҳқиқотии технологӣ «МИСИС» бо ҷойи кор таъмин мегарданд
Муовини Сарвазири Тоҷикистон бо омодагии муассисаҳои таълимии вилояти Суғд ба соли нави хониш шинос шуд
Дар шашмоҳаи якуми соли 2025 дар ноҳияи Ёвон 484 иншоот ба истифода дода шуд
Беш аз 1,5 километр роҳи кӯчаи Сулҳ дар ноҳияи Ҷаббор Расулов мумфарш карда мешавад
НИШАСТИ МАТБУОТӢ. Филиали Донишгоҳи давлатии Москва дар Душанбе бо 40 муассисаи хориҷӣ ҳамкории илмӣ дорад
Фарогирии кӯдакон ба зинаи томактабӣ дар Душанбе дар сатҳи ҷумҳурӣ натиҷаи баландтарин аст, — бардошт аз мулоқот бо кормандони соҳаи маорифи пойтахт
Дар 77 муассисаи таълимии Истаравшан беш аз 60 ҳазор хонанда ба таҳсил фаро гирифта шуд
Дар Суғд таҳти раёсати муовини Сарвазири Тоҷикистон Дилрабо Мансурӣ оид ба иҷрои барномаҳои давлатии соҳаи маориф ҷаласа доир шуд
Дар шаҳри Хуҷанд ҳашари экологии «Тозагии соҳил» гузаронида шуд
35-СОЛАГИИ ИСТИҚЛОЛИ ДАВЛАТӢ. Дар Хуросон 239 иншооти таъйиноти гуногун сохта мешавад
Дар шаҳри Хуҷанд ҳафтаи «Ҳаводорони илми афлок» оғоз гардидааст
Маркази миллии тестӣ: сатҳи истифодаи хизматрасонии онлайнӣ аз ҷониби довталабон нигаронкунанда аст
