Дар Афғонистон силсилаи заминларзаҳо сабт гардид
ДУШАНБЕ, 11.10.2023 /АМИТ «Ховар»/. Дар шимолу ғарби Афғонистон ду заминларза ба амал омад. Тавре АМИТ «Ховар» иттилоъ медиҳад, дар ин хусус 11 октябр Маркази зилзилашиносии Аврупо ва Баҳри Миёназамин хабар додааст.
Аввалин такони зеризаминӣ бо шиддати 6,3 балл соати 00:41 сабт гардид. Маркази он дар масофаи километри 34-уми самти шимолу ғарби Ҳирот ҷойгир буда, дар он тақрибан 272 ҳазор нафар аҳолӣ зиндагӣ менамоянд.
Баъдтар, соати 00:52 боз як заминларза бо шиддати 5,0 балл рух додааст, ки маркази он дар масофаи километри 28-уми самти шимолу ғарби Ҳирот ҷойгир будааст. Марказ инчунин дар умқи 10 км ҷойгир будааст.
Қаблан, 8 октябр, шабакаи TOLO News иттилоъ дода буд, ки дар натиҷаи заминларза дар ғарби Афғонистон беш аз 2,4 ҳазор нафар ба ҳалокат расидаанд.
Ёдовар мешавем, ки рӯзи гузашта дар ғарби Афғонистон якчанд заминларзаи шадид рух дод. Тибқи маълумоти Хадамоти геологии Иёлоти Муттаҳидаи Амрико, таконҳои шадиди зеризаминӣ дар километри 35-уми самти шимолу ғарби Ҳирот ба амал омаданд, ки яке аз онҳо дорои шиддати 6,3 балл буд.
Азиза ИКРОМ,
АМИТ «Ховар»
АКС аз манбаъҳои боз
Бинобар гармии рекордӣ дар Чин талабот ба неруи барқ ба нуқтаи баландтарин расид
Хисороти аз офатҳои табиӣ расида дар Чин аз 7,5 миллиард доллар зиёд шуд
Гармои шадид дар Испания дар ду моҳи охир сабаби марги 1180 нафар гардид
Бар асари боронҳои мавсимӣ ва обхезии шадид дар Покистон 104 нафар ҳалок гардид
Бархе аз минтақаҳои Аврупоро гармои шадид фаро гирифт
Бар асари фаромадани ярч ва обхезӣ дар шимоли Ҳиндустон 51 нафар ҳалок гардид
Созмони ҷаҳонии тандурустӣ чораҳои муҳофизат аз гармии тобистонро пешниҳод менамояд
Гармои шадид дар Аврупо сабаби сӯхтори ҷангалҳо гардид
Беш аз 2 миллиард одамон ба оби тозаи ошомиданӣ дастрасӣ надоранд
Даҳҳо ҳазор нафар дар ҷануби Чин бар асари тӯфон кӯчонида шуданд
Дар Ҳиндустон ҳавопаймо суқут кард
Дар Фаронса барои кӯдакони то 15-сола истифодаи шабакаҳои иҷтимоӣ манъ карда мешавад
