Сарвазири Тоҷикистон Қоҳир Расулзода давлатҳои аъзои СҲШ-ро ба татбиқи бетаъхири Стратегияи рушди иқтисодии Созмон барои давраи то соли 2030 даъват намуд
ДУШАНБЕ, 26.10.2023 /АМИТ «Ховар»/. Масъалаҳои муҳими дурнамо ва тадбирҳои таъмиқи ҳамкории байни давлатҳо дар соҳаҳои тиҷорат, иқтисод, фарҳанг, гуманитарӣ ва ғайра имрӯз дар маркази таваҷҷуҳи иштирокдорони ҷаласаи 22-юми Шурои сарони ҳукуматҳо-сарвазирони давлатҳои аъзои Созмони ҳамкории Шанхай дар ҳайати васеъ, ки дар шаҳри Бишкеки Қирғизистон баргузор шуд, қарор гирифтанд, иттилоъ медиҳад хабарнигори АМИТ «Ховар».
Сарвазири Ҷумҳурии Тоҷикистон Қоҳир Расулзода зимни суханронӣ таъкид намуд, ки давлатҳои СҲШ бояд қабули нақшаи чорабиниҳоро оид ба татбиқи Стратегияи рушди иқтисодии ин созмон суръат бахшанд.
«Зарур мешуморам, ки механизми ҳамоҳангсозӣ ва қабули нақшаи чорабиниҳои асосии татбиқи Стратегияи рушди иқтисодии СҲШ барои давраи то соли 2030 бо мақсади таъмини рушди устувори иқтисодӣ ва баланд бардоштани сатҳи зиндагии аҳолии минтақаи СҲШ суръат бахшида шавад», — тазаккур дод Сарвазири Тоҷикистон.
Ёдовар мешавем, ки Стратегияи рушди иқтисодии СҲШ барои давраи то соли 2030 аз ҷониби Президенти Ҷумҳурии Тоҷикистон муҳтарам Эмомалӣ Раҳмон пешниҳод шуда, моҳи июли соли 2023 дар Шурои сарони давлатҳои аъзои СҲШ тасдиқ гардида буд. Он беш аз 15 барнома, аз ҷумла харитаи роҳ барои истифодаи манбаъҳои барқароршавандаи энергияро дар бар мегирад.
Сарвазири мамлакат ҳамчунин илова намуд, ки имрӯз Тоҷикистон ба ҷалби технологияҳои пешрафтаи коркарди ашёи хом, рушди мошинсозӣ, истихроҷи ангиштсанг, истихроҷи маъдан, саноати сабук, хӯрокворӣ ва ғайра манфиатдор мебошад.
АКС аз бойгонӣ
Сарвазири Тоҷикистон бо муовини Вазири корҳои хориҷии Салтанати Умон мулоқот намуд
Сафири Тоҷикистон дар Туркманистон бо директори Дафтари лоиҳавии Маркази минтақавии экологӣ барои Осиёи Марказӣ мулоқот намуд
Дар Теҳрон таҳти унвони «Робиаи Балхӣ: чеҳраи дурахшони назми аҳди Сомониён» ҳамоиши илмӣ доир гардид
Ҳайати Тоҷикистон дар Ҳафтаи ҷаҳонии оби Стокголм иштирок намуд
Сафири Тоҷикистон бо ноиби Президенти Корпоратсияи байналмилалии молиявии рушди Амрико мулоқот намуд
Дар Қоҳира бахшида ба 35-солагии Истиқлоли давлатии Тоҷикистон конфронс баргузор гардид
Сафири Тоҷикистон бо муовини Директори генералии Вазорати федералии иқтисод ва энергетикаи Олмон мулоқот намуд
Дар Москва дар мавзуи саҳми Абуалӣ ибни Сино дар ташаккули соҳаи тиб конфронси байналмилалии илмӣ доир шуд
Тоҷикистон ва Кувайт таҳкими ҳамкориро дар арсаи рушд баррасӣ намуданд
Дар Душанбе таҳти унвони «Тоҷикистон ва 35 соли соҳибистиқлолӣ: таҷрибаи сулҳофарӣ, сиёсати бисёрсамта ва рушди устувор» конфронси байналмилалӣ баргузор шуд
Дар Душанбе таҷрибаи 35-солаи сулҳофарӣ ва сиёсати бисёрсамтаи Тоҷикистон баррасӣ шуд
Сафири Тоҷикистон дар Кувайт бо Мудири омили Ширкати ҳавопаймоии «Jazeera Airways» мулоқот намуд
