Вакили Маҷлиси намояндагон дар мулоқоти гурӯҳи геополитикии «Авруосиё»-и Иттиҳоди байнипарлумонӣ иштирок намуд

ДУШАНБЕ, 24.10.2023 /АМИТ «Ховар»/. Вакили Маҷлиси намояндагони Маҷлиси Олии Ҷумҳурии Тоҷикистон Парвина Маликзод дар мулоқоти гурӯҳи геополитикии «Авруосиё»-и  Иттиҳоди байнипарлумонӣ, ки дар шаҳри Остонаи Ҷумҳурии Қазоқистон баргузор гардид,  тариқи фосилавӣ иштирок намуда, сухан гуфт. Дар ин хусус АМИТ «Ховар» бо истинод ба Маҷлиси намояндагон хабар медиҳад.

Дар рӯзномаи ҷаласа  масъалаҳо «Дар бораи тасдиқи рӯзномаи ҷаласаи гурӯҳи геополитикии «Авруосиё»-и Иттиҳоди байнипарлумонӣ», «Дар бораи ишғол намудани ҷойҳои холии гурӯҳи геополитикии «Авруосиё» дар мақомоти Вазорати роҳи оҳан», «Дар бораи интихоби раиси гурӯҳи геополитикии «Авруосиё» ва «Дар бораи сана ва соати баргузории ҷаласаи гурӯҳи геополитикии «Авруосиё»-и Иттиҳоди байнипарлумонӣ» дар ҳошияи Ассамблеяи 147-уми ИБ дар Луанда, Ангола» мавриди баррасӣ қарор гирифтанд.

Парвина Маликзода иброз намуд, ки тӯли сӣ соли равобити дипломатӣ байни давлатҳоямон тавонистем механизмҳои муассири ҳамкориро бунёд намуда, ба натиҷаҳои назаррас ноил гардем, ки имрӯз ба нафъи халқҳои бародарамон хизмат менамоянд. Мо ба муносибатҳои устуворона бо ҳамаи мамлакатҳо баҳои баланд медиҳем.

АКС аз бойгонӣ