Ҳамкории Тоҷикистон дар соҳаи сайёҳӣ бо ширкатҳои Қатар ва Арабистони Саудӣ тақвият меёбад
ДУШАНБЕ, 23.11.2023 /АМИТ «Ховар»/. Тавре қаблан хабар додем, 20 ноябр дар шаҳри Давҳаи Давлати Қатар Намоишгоҳи байналмилалии сайёҳии «QTM-2023» оғоз шуд, ки дар он ҳайати Ҷумҳурии Тоҷикистон таҳти роҳбарии муовини якуми Раиси Кумитаи рушди сайёҳии назди Ҳукумати Ҷумҳурии Тоҷикистон Рустам Холматиён ва ширкатҳои сайёҳии ватанӣ иштирок намуданд. Намоишгоҳ 22 ноябр ба анҷом расид. Дар ин хусус АМИТ «Ховар» бо истинод ба Кумита хабар медиҳад.
Дар доираи намоишгоҳи байналмилалӣ дар шаҳри Давҳа мулоқоти муовини якуми раиси Кумитаи рушди сайёҳӣ бо намояндагони ширкати «Katara Hospitality»-ии давлати Қатар ва ширкати «Qasswa» -и Арабистони Саудӣ баргузор гардид.
Зимни вохӯрӣ ҷонибҳо бобати тақвият додани ҳамкории дуҷониба ва бисёрҷониба оид ба рушди сайёҳӣ, ҷалби сайёҳони давлати Қатар ва Арабистони Саудӣ ба Ҷумҳурии Тоҷикистон ва табодули таҷриба дар соҳаи сайёҳӣ гуфтушунид намуданд.
Иброз гардид, ки Ҷумҳурии Тоҷикистон аз лиҳози сайёҳии кӯҳнавардӣ ва экологӣ дорои имконияти фарох буда, дили садҳо дӯстдорони ин намуди сайру саёҳатро тасхир намудааст.
Ҷониби ширкатҳои «Katara Hospitality» ва «Qasswa» омодагии хешро ҷиҳати густариши ҳамкорӣ дар равандҳои мухталиф барои рушди сайёҳӣ ва манфиатҳои муштарак иброз намуданд.
Ҳамзамон дар ҳошияи намоишгоҳ дар шаҳри Давҳаи давлати Қатар тариқи рунамо имконияти сайёҳии мамлакат ба маърази тамошои меҳмонон гузошта шуд.
Дар рунамо маълумоти муфассал оид ба имконот, вазъият, рушди соҳаи сайёҳӣ ва заминаҳои меъёрӣ-ҳуқуқии соҳаи сайёҳӣ дар Ҷумҳурии Тоҷикистон пешниҳоди меҳмонон гардид.
Аз ҷониби ҳозирин вобаста ба муҳтавои рунамо ва соҳаи сайёҳӣ дар Ҷумҳурии Тоҷикистон табодули афкор доир шуд.
София ШОИК,
АМИТ «Ховар»
АКС: Кумитаи рушди сайёҳии назди Ҳукумати Ҷумҳурии Тоҷикистон
Дар Остона ҷаласаи 12-уми Шурои сиёсати саноатии кишварҳои аъзои ИДМ баргузор гардид
РӮЗИ БАЙНАЛМИЛАЛИИ КАРТОШКА. Ин зироат аз ҳисоби ҳаҷми умумии истеҳсол дар ҷаҳон ҷои сеюмро ишғол менамояд
Тоҷикистон лоиҳаи бунёди корхонаи коркарди партовҳои сахти маишӣ ва истеҳсоли неруи барқро аз ҳисоби партовҳо амалӣ менамояд
Ҳукумати Тоҷикистон ҳамкориро бо созмонҳои молиявии байналмилалӣ бо мақсади ҷалби сармоя тақвият медиҳад
ЗЕБОИҲОИ НОТАКРОРИ ТАБИАТИ ДАРАИ СИЁМА. Он қалби иштирокдорони Конфронси чоруми сатҳи баланди оби Душанберо тасхир намуд
Гардиши савдо байни Тоҷикистон ва Эрон қариб 9 миллион доллар афзоиш ёфтааст
Ҳайати Тоҷикистон дар ҷаласаи вазирони молия ва раисони бонкҳои марказии давлатҳои аъзои СҲШ иштирок намуд
Байни шаҳри Хуҷанд ва Бонки аврупоии таҷдид ва рушд Ёддошти тафоҳум ба имзо расид
ТАЪСИСИ 5 ҲАЗОР ҶОЙҲОИ НАВИ КОР. Дар Тоҷикистон 4 корхонаи нави истеҳсоли семент ба истифода дода мешаванд
Раванди татбиқи лоиҳаҳои «Дастгирии соҳаи кишоварзӣ дар заминаи ҷомеа+» ва «Барқарорсозии низоми экологӣ ва устувории кишоварзӣ дар Тоҷикистон» баррасӣ шуд
Дар маҷлиси Ҳукумати Тоҷикистон масъалаи болобарии нархи семент баррасӣ шуд
Намояндагони Тоҷикистон дар чорабинии Ассамблеяи генералии 93-юми Созмони умумиҷаҳонии солимии ҳайвонот иштирок намуданд
