ТАҚВИМИ АМИТ «ХОВАР»: имрӯз 9 ноябр, панҷшанбе, 313-умин рӯзи соли 2023 аст

9 ноябри соли 2008 дар Тоҷикистон Рӯзҳои фарҳанги Озарбойҷон оғоз гардида, 4 рӯз идома ёфтанд.

***

9 ноябри соли 2010  дар шаҳри Душанбе Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ҷаласаи 29-уми Шурои роҳбарони мақомоти амният ва хадамоти махсуси давлатҳои аъзои Иттиҳоди Давлатҳои Мустақил суханронӣ намуданд.

***

 9 ноябри соли 2010 дар шаҳри Москваи Федератсияи Русия ҷаласаи комиссияи байниҳукуматии Тоҷикистон ва Русия оид ба масъалаҳои тиҷоратию иқтисодӣ баргузор гардид.

***

9 ноябри соли 2011 масоили гуногунҷанбаи ҳамкории Тоҷикистон ва Чин баррасӣ гардид.

 ***

9 ноябри соли 2012 масъалаи ҳамкории тиҷоративу иқтисодии Тоҷикистон ва Туркия муҳокима шуд.

***

9 ноябри соли 2015 дар шаҳри Душанбе доираи васеи масъалаҳои ҳамкорӣ, аз ҷумла татбиқи лоиҳаҳои муштараки Тоҷикистон бо Бонки ҷаҳонӣ баррасӣ гардид.

***

Дар ин рӯзи соли 2017 Сарвари давлат муҳтарам Эмомалӣ Раҳмон ба бунёди якчанд иншооти соҳаи сайёҳӣ дар ҳудуди ноҳияҳои Исмоили Сомонии шаҳри Душанбе ва Варзоб санги асос гузоштанд.

***

Дар ин рӯзи соли 2017 дастаи  мунтахаби  то 19-солаи футболи Тоҷикистон  таҳти роҳбарии Мубин Эргашев дар бозии охирини марҳилаи интихобии Ҷоми Осиё-2018 дар гурӯҳи «В» дастаи мунтахаби то 19-солаи Узбекистонро бо ҳисоби 1:0 шикаст дода, ба сабқати муҳташами қора роҳхати мустақим ба даст овард.

***

9 ноябри соли 2018 зимни ҷаласаи Кумитаи дуюми Маҷмаи Умумии СММ лоиҳаи қатъномаи ҳайати Тоҷикистон таҳти унвони «Бознигарии фарогири миёнамуҳлати раванди татбиқи Даҳсолаи байналмилалии амал «Об барои рушди устувор, 2018-2028» муаррифӣ шуд.

***

Дар ин рӯзи соли 2018  Маркази муқовимат бо терроризм, экстремизм ва сепаратизми Вазорати корҳои дохилии Ҷумҳурии Тоҷикистон ба истифода дода шуд. 

 *** 

9 ноябри соли 2021 Паёми шодбошии Президенти Ҷумҳурии Тоҷикистон Эмомалӣ Раҳмон ба муносибати Рӯзи милитсия ироа гардид.

***

9 ноябри соли 2022  Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи мамлакат муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бинои қисми ҳарбии Раёсати Қӯшунҳои дохилии Вазорати корҳои дохилии Ҷумҳурии Тоҷикистонро мавриди баҳрабардорӣ қарор дода, бо шароити будубоши хизматчиёни ҳарбӣ шинос шуданд.

9 НОЯБР ТАҶЛИЛ МЕГАРДАД:

Рӯзи байналмилалии мубориза бо фашизм ва нажодпарастӣ.

***

Дар Камбоҷа- Рӯзи истиқлолият.

***

Дар Озарбойҷон – Рӯзи парчами давлатӣ.

ДАР ИН РӮЗТАВАЛЛУД ШУДААНД:

Абдусалом Раҳимов -соли 1917—ҳунарпеша ва коргардони синамо. Ҳунарпешаи хизматнишондодаи Тоҷикистон (1945). Ҳунарпешаи халқии Тоҷикистон (1962).