ТЕАТР- ПАЙВАНДГАРИ МАЪНАВИИ НАСЛҲО. Дар Душанбе Рӯзи театри тоҷик бо шаҳомати хосса таҷлил гардид
ДУШАНБЕ, 08.11.2023 /АМИТ «Ховар»/. Тавре қаблан иттилоъ додем, 7 ноябр бо иштироки роҳбарияти Вазорати фарҳанги Ҷумҳурии Тоҷикистон, роҳбарону кормандони театру муассисаҳои фарҳангии мамлакат дар Театри давлатии академии драмавии ба номи Абулқосим Лоҳутӣ Рӯзи театри тоҷик бо шукуҳу шаҳомати хосса баргузор гардид. Дар ин хусус АМИТ «Ховар» бо истинод ба Вазорати фарҳанги Тоҷикистон хабар медиҳад.
Вазири фарҳанги Ҷумҳурии Тоҷикистон тамоми ҳунармандон ва дӯстдорони ҳунари волои театрро бо фарорасии ин рӯз самимона табрик намуда, даврони Истиқлолияти давлатии Тоҷикистонро давраи пешрафт ва густариши театри тоҷик номид.
Иброз гардид, ки дар даврони Истиқлолияти давлатии Ҷумҳурии Тоҷикистон 4 театри нав таъсис дода шуд ва алҳол шумораи умумии театрҳои касбӣ дар ҷумҳурӣ 18-то мебошад. Албатта, давоми солҳои соҳибистиқлолӣ санъати театрии мамлакат ба бисёр муваффақият ноил гардид.
Тазаккур дода шуд, ки ин ҳама пешравию муваффақият шаҳодати дастгирии ҳамешагии Ҳукумати Ҷумҳурии Тоҷикистон, бахусус Президенти Ҷумҳурии Тоҷикистон муҳтарам Эмомалӣ Раҳмон мебошанд. Театр ҳунари андешасоз аст, ки дар фарҳанги ҳар миллат ҷой дорад.
Чуноне ки Сарвари давлат дар ин маврид таъкид доштаанд: «Театр пайвандгари маънавии наслҳо буда, рукни муҳимму барҷастаи фарҳанги миллӣ ба ҳисоб меравад». Воқеан ин суханҳои пурарзиш бояд роҳнамо ва қутбнамои ҳар коргардон, ҳунарпеша, рассом, драманавис, хуллас тамоми аҳли театри мамлакат бошанд.
Вазорати фарҳанги Ҷумҳурии Тоҷикистон низ ҷиҳати рушди ин соҳа пайваста дар талош буда, саҳнаҳои пур аз хотироти ноб ва нақшҳои мондагори ҳунармандонро ҳамеша қадрдонӣ месозад. Зеро театр оинаи таъриху имрӯзи мо ва театр руҳи зиндагӣ дар инсон аст.
Дар Рӯзи театри тоҷик як зумра ҳунармандон ва кормандони театрҳои мамлакат бо унвонҳои баланд ва диплому сипосномаҳои Вазорати фарҳанги Ҷумҳурии Тоҷикистон сарфароз гардонида шуданд.
Дар маросим порчаҳои ҷолибу рангоранг аз намоишҳои театрӣ манзури тамошобинон гардонида шуда, санъаткорон низ бо ҳунари волои худ табъи тамошобинону иштирокчиёнро болида гардониданд.
АКС: Вазорати фарҳанги Ҷумҳурии Тоҷикистон
Дар Тоҷикистон «Барномаи рушди китобхонаҳои деҳот барои солҳои 2027–2031» амалӣ мешавад
Дар Осорхонаи миллӣ бахшида ба Даҳсолаи байналмилалӣ оид ба таҳкими сулҳ барои наслҳои оянда ҳамоиш баргузор гардид
Дар Театри таҷрибавии тамошобини ҷавон намоишномаи «Бобоҷон Ғафуров» нахустин маротиба пешниҳод гардид
Намояндаи Тоҷикистон дар Фестивал-озмуни байналмилалии «Viva Astana» сазовори «Шоҳҷоиза» гардид
Аз 9 то 30 июн экспедитсияи муштараки бостоншиносии Тоҷикистон ва Фаронса гузаронида шуд
Адрасбоф Гулбону Наврӯзова: «Ҳадафи мо эҳёи ҳунарҳои миллӣ ва бо ҷойи кор таъмин намудани занону духтарон аст»
ПАЙВАНДИ ИНСОН БО ТАБИАТ ДАР «ШОҲНОМА»-И ФИРДАВСӢ. Мулоҳизаҳои Академик Фарҳод Раҳимӣ дар ин мавзуъ
Акбар Эронӣ: «Ибтикори Президенти Тоҷикистон оид ба таъсиси Ҷоизаи байналмилалии Ибни Сино иқдоми мондагор ва ояндасоз аст»
Туҳфаи Пешвои миллат — маҷмуи тӯбҳои расмии ҷомҳои ҷаҳонии FIFA ба Осорхонаи миллии Тоҷикистон тақдим гардид
БЕҲТАРИН КИТОБХОН. Таҳти ин унвон озмуни ҷумҳуриявӣ баргузор мегардад
Иштирокчиёни Форуми XI байналмилалии «Кӯдакони Иттиҳод» Қалъаи бостонии Ҳисорро тамошо намуданд
ШОМИ ВАҲДАТУ ҲАМДИЛӢ. Дар Осорхона-мамнуъгоҳи ҷумҳуриявии Данғара ҳамоиши сиёсӣ-фарҳангӣ баргузор шуд
