Бонки Рушди АвруОсиё ният дорад ҳаҷми сармоягузориро дар Тоҷикистон афзоиш диҳад

Декабрь 19, 2023 16:00

ДУШАНБЕ, 19.12.2023 /АМИТ «Ховар»/. «Имрӯз ҳадафи асосии мо нисбат ба соли равон чанд маротиба зиёд намудани ҳаҷми сармоягузорӣ дар Тоҷикистон мебошад. Мо маблағгузории якчанд лоиҳаро ба нақша гирифтаем. Умедворам, ки мо соли 2024 натиҷаҳои хуб нишон медиҳем», — изҳор дошт раиси Раёсати Бонки Рушди ЕвраАзия Николай Подгузов дар нишасти матбуотӣ дар Алмаато, хабар медиҳад мухбири АМИТ Ховар.

Ба гуфтаи ӯ, бонк омода аст барои таҷдиди Фурудгоҳи байналмилалии Душанбе ҳудуди 100 миллион доллар ҷудо намояд. Дар айни замон гуфтушунидҳо бо Фурудгоҳи байналмилалии Душанбе ва ширкати ҳавопаймоии «Сомон Эйр» оид ба барномаи навсозии парки ҳавопаймоҳо ва бунёди пойгоҳи техникии хизматрасонӣ барои он идома доранд.

Ба иттилои  бонк, суръати рушди иқтисодии Тоҷикистон муътадил ва баланд боқӣ мемонад. Дар динамикаи фаъолияти иқтисодии мамлакат бахшҳои ба талаботи истеъмолӣ ва сармоягузорӣ нигаронида, аз ҷумла тиҷорат ва сохтмон саҳми калидӣ гузоштаанд.

Тавсеаи иқтидори саноатӣ ва фаъолияти сармоягузорӣ низ барои афзоиши босуръати талаботи дохилӣ шароит фароҳам меорад. Дар солҳои 2025-2026 фоизи рушди  иқтисодиёт бештар   хоҳад шуд.

Таҳлилгарони бонк коҳиши минбаъдаи равандҳои таваррумро дар минтақаи фаъолияти бонк пешгӯӣ менамоянд: сатҳи умумии таваррум то охири соли 2024  коҳиш хоҳад ёфт.

Бонки Рушди АвруОсиё созмони байналмилалии молиявӣ буда,  дар минтақаҳои Аврупо ва Осиё фаъолияти сармоягузорӣ анҷом медиҳад. Зиёда аз 17 сол аст, ки бонк ба мустаҳкамнамоӣ ва  вусъат додани робитаҳои иқтисодӣ ва тараққиёти ҳаматарафаи минтақа мусоидат мекунад. Сармояи оинномавии бонк  7 миллиард долларро ташкил медиҳад. Ҳиссаи асосиро дар портфели он лоиҳаҳое ишғол менамоянд, ки таъсири ҳамгироӣ дар соҳаи нақлиёт, низоми рақамӣ, энергетикаи «сабз», кишоварзӣ, саноат ва мошинсозӣ доранд.

Лайло ТОИРӢ,
АМИТ «Ховар»

АКС: АМИТ «Ховар»

Декабрь 19, 2023 16:00

Хабарҳои дигари ин бахш

ҚУРБИ АСЪОР: дар Тоҷикистон 1 доллари ИМА аз 10.8216 то 10.8300 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 10.8425 то 10.8300 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1199 то 0.1205 сомонӣ муқаррар шудааст
Байни «Саноатсодиротбонк» ва Фонди рушди соҳибкории Озарбойҷон Ёддошти тафоҳум оид ба ҳамдигарфаҳмӣ ба имзо расид
ҚУРБИ АСЪОР: дар Тоҷикистон 1 евро аз 11.7837 то 11.8700 сомонӣ муқаррар шудааст
Дар ҷаласаи ҳамоҳангсозон ва коршиносони бонкҳои аъзои Иттиҳоди байнибонкии СҲШ тақвияти ҳамкории байнибонкӣ баррасӣ шуд
ҚУРБИ АСЪОР: дар Тоҷикистон 1 рубли русӣ аз 0.1198 то 0.1200 сомонӣ муқаррар шудааст
Бонки миллии Тоҷикистон бо Корхонаи давлатии сикказании Бонки миллии Қазоқистон ҳамкориро тақвият медиҳад
ҚУРБИ АСЪОР: дар Тоҷикистон 1 евро аз 11.7982 то 11.8700 сомонӣ сомонӣ муқаррар шудааст
Роҳбарияти «Амонатбонк» дар чорабинии «Ташхис оид ба навовариҳои бонкӣ» дар Испания иштирок намуд
ҚУРБИ АСЪОР: дар Тоҷикистон 1 доллари ИМА аз 10.8982 то 10.9200 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0. 1190 то 0.1200 сомонӣ муқаррар шудааст