Дар Ҳисор ғолибони Фестивал-озмуни сурудҳои ватандӯстона қадрдонӣ шуданд

Декабрь 7, 2023 11:28

ҲИСОР, 07.12.2023 /АМИТ «Ховар»/. 6 декабр бахшида ба 29-солагии таъсиси Ҳизби Халқии Демократии Тоҷикистон дар Кохи фарҳанги шаҳри Ҳисор маросими ҷоизасупорӣ ба ғолибони Фестивал-озмуни сурудҳои ватандӯстона таҳти унвони «Васфи Ватан» доир гардид. Дар ин хусус котиби матбуоти Раиси шаҳри Ҳисор Ҳидоятулло Холзода ба хабарнигори минтақавии АМИТ «Ховар» Субҳониддини Маҳмуд иттилоъ дод.

Дар барнома натиҷаҳои ҷамъбасти Фестивал – Озмуни сурудҳои ватандӯстона таҳти унвони «Васфи Ватан» аз рӯйи номинатсияҳои «Ровигӣ», «Навозандагӣ», «Рақс» ва «Сарояндагӣ» муайян гардид. Дар он зиёда аз 450 нафар иштирок ва ҳунару истеъдоди худро бо роҳнамоии устодон пешкаши ҳакамон намуданд. Дар натиҷа 22 нафар аз рӯи номинатсияҳои «Ровигӣ», «Навозандагӣ», «Рақс» ва «Сарояндагӣ» ғолиб омада, сазовори туҳфаҳо шуданд.

Бо хулосаи ҳайати ҳакамон Шоҳҷоизаи Фестивал – Озмуни сурудҳои ватандӯстона таҳти унвони «Васфи Ватан» ба ҳунармандони бахши фарҳанги шаҳри Ҳисор лоиқ доиниста шуд.

Мақсад аз баргузории фестивал –озмун дарёфти истеъдодҳои нав дар соҳаи санъати мусиқӣ ва сарояндагӣ, баланд бардоштани маҳорати касбӣ ва зебоишиносӣ, тақвият бахшидан ба ҳунари баланди иҷрокунандагӣ, таблиғ ва эҳёи ҳунарҳои мардумӣ, муаррифии фарҳанги волои миллати тоҷик, эҳтиром ва арҷгузорӣ ба суннатҳои неки аҷдодӣ, сатҳи касбии асарҳои нави мусиқӣ, офарандагӣ ва интихоби намунаҳои беҳтарин оҳангу суруд мебошад.

Ҳамчунин дар ҷамъомад Соли фаъолгардонии ташкилоти ибтидоии Ҳизби Халқии Демократии Тоҷикистон дар шаҳри Ҳисор эълон гардидани соли 2023 натиҷагирӣ шуд. Дар натиҷа кумитаву ташкилоти ибтидоии фаъол, аз ҷумла кумитаҳои иҷроияи ибтидоии «Ворисони Сино», «Маорифчиён» ва «Сино», ташкилоти ибтидоии «Табибон», «Омӯзгорон», «Касбомӯз», «Табассум», «Агротехсервис», «Заминсоз», «Роҳи оҳанчиён», «Таъминоти бехатарии озуқаворӣ», «Бойгонӣ», «Бозори самоҳ» ва «Бойгонии Ҳисор» бо диплом ва ҷоизаи «Беҳтарин ташкилоти ибтидоии сол» қадрдонӣ шуданд.

АКС: Мақомоти иҷроияи ҳокимияти давлатии шаҳри Ҳисор

Декабрь 7, 2023 11:28

Хабарҳои дигари ин бахш

«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард
«ОИЛАИ НАМУНАВӢ». Таҳти ин унвон дар Тоҷикистон озмуни ҷумҳуриявӣ баргузор мегардад
Дар Душанбе масъалаи ҷалби сармояи ширкатҳои Қазоқистон ба иқтисоди Тоҷикистон баррасӣ шуд
Намояндагони Ҳизби Халқии Демократии Тоҷикистон дар Осорхонаи миллӣ бо тамаддуни қадимии тоҷикон шинос шуданд
«TASHKENT GRAND SLAM». Ҷудочии тоҷик Эмомалӣ Нуралӣ ба даври финалӣ баромад
Дар моҳи март сокинони Тоҷикистонро чӣ гуна ҳаво интизор аст?
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Ҳангоми истифодаи хабару маводи сомона истинод ба www.khovar.tj ҳатмӣ аст!
Дурнамои густариши ҳамкории Тоҷикистон ва Корпоратсияи байналмилалии молиявӣ баррасӣ гардид
Дар Вазорати фарҳанги Тоҷикистон бо гурӯҳи адибон мулоқот доир гардид
Дар Анталия раванди густариши муносибатҳои дуҷонибаи Тоҷикистон ва Туркия мавриди баррасӣ қарор гирифт
Имрӯз даври якуми бақайдгирии довталабон барои иштирок дар имтиҳонҳои марказонидаи дохилшавӣ оғоз шуд