ТАҚВИМИ АМИТ «ХОВАР»: имрӯз 28 декабр, панҷшанбе, 362-юмин рӯзи соли 2023 аст

28 декабри соли 2010 дар шаҳри Душанбе байни КВД «Талко» (Тоҷикистон), ширкати «Noble Resources Ltd» (Гонконг) ва «Det.AL Azeraluminium» (Озарбойҷон) шартномаи ҳамкорӣ ба имзо расид.

***

28 декабри соли 2010 дар Академияи илмҳои Тоҷикистон дар мавзуи «Ибни Сино ва мушкилоти муосири фалсафа ва тиб» конфронси илмӣ – назариявӣ баргузор гардид. Конфронс ба муносибати 1030-солагии зодрӯзи олим ва файласуфи барҷастаи тоҷик, нобиғаи асримиёнагӣ Абӯалӣ ибни Сино баргузор шуд.

***

28 декабри соли 2013 Президенти Ҷумҳурии Тоҷикистон муҳтарам Эмомалӣ Раҳмон қонунҳои Ҷумҳурии Тоҷикистон «Дар бораи таълиму тарбияи томактабӣ» ва «Дар бораи мубориза бар зидди ҷиноятҳои муташаккил»- ро имзо намуданд.

***

28 декабри соли 2015 Ҳукумати Ҷумҳурии Тоҷикистон «Барномаи давлатии сармоягузориҳо барои солҳои 2016-2020»-ро тасдиқ намуд.

***

Дар ин рӯзи соли 2016 дар Маҷмааи кӯҳию лижаронии «Сафеддара» Пешвои миллат муҳтарам Эмомалӣ Раҳмон бо намояндагони ҷавонон ва варзишгарони мамлакат мулоқоти судманду самимӣ доир намуданд.

***

28 декабри соли 2020 дар Душанбе ҷаласаи Раёсати Комиссияи миллии Ҷумҳурии Тоҷикистон оид ба ЮНЕСКО баргузор гардид.

***

28 декабри соли 2021  Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вохӯрии ғайрирасмии сарони давлатҳои аъзои Иттиҳоди Давлатҳои Мустақил, ки дар шаҳри Санкт-Петербурги Федератсияи Русия баргузор гардид, иштирок намуданд.

***

28 декабри соли 2022 Пешвои миллат Эмомалӣ Раҳмон дар ҷаласаи тантанавӣ бахшида ба иди касбии кормандони мақомоти амнияти миллии Ҷумҳурии Тоҷикистон иштирок ва суханронӣ намуданд.

28 ДЕКАБР ТАҶЛИЛ МЕГАРДАД:

Дар Ҷумҳурии Тоҷикистон – Рӯзи кормандони мақомоти амнияти миллӣ.

***

Рӯзи байналмилалии кино.

***

Дар Испания –Рӯзи  ханда.

ДАР ИН РӮЗ ТАВАЛЛУД ШУДААНД:

Сайидалӣ Маъмур -соли  1944,- шоир, тарҷумон, узви Иттифоқи нависандагони Тоҷикистон (1972)