Татбиқи Қонуни Ҷумҳурии Тоҷикистон вобаста ба зӯроварӣ дар оила мавриди баррасӣ қарор гирифт
ДУШАНБЕ, 19.12.2023 /АМИТ «Ховар»/. Бо ташаббуси кумитаи миллӣ оид ба аҳолӣ ва рушд дар назди Маҷлиси намояндагон ва Хазинаи нуфуси Созмони Милали Муттаҳид дар мавзуи «Татбиқи Қонуни Ҷумҳурии Тоҷикистон вобаста ба зӯроварӣ дар оила» ҳамоиш баргузор гардид. Дар ин хусус АМИТ «Ховар» бо истинод ба Маҷлиси намояндагон хабар медиҳад.
Муовини Раиси Маҷлиси намояндагон Дилрабо Мансурӣ иброз дошт, ки Ҷумҳурии Тоҷикистон якчанд санадҳои меъёрии ҳуқуқии байналмилалӣ, аз ҷумла Эъломияи ҳуқуқи башар ва Конвенсия «Дар бораи барҳам додани ҳама гуна шаклҳои табъиз нисбат ба занон»-ро эътироф намудааст, ки онҳо қисми таркибии низоми ҳуқуқӣ маҳсуб шуда, меъёрҳои онҳо тадриҷан ба қонунгузории ҷумҳурӣ ворид ва иҷрои онҳо барои беҳдошти вазъи занон дар ҷомеа равона шудаанд.
Бояд гуфт, ки таҷриба ва омори бадастомада нишон медиҳанд, ки дар баробари дастовардҳо бо баъзе сабабҳо амалишавии Қонуни Ҷумҳурии Тоҷикистон «Дар бораи пешгирии зӯроварӣ дар оила» ва «Барномаи давлатӣ оид ба пешгирии зӯроварӣ дар оила дар Ҷумҳурии Тоҷикистон барои солҳои 2014-2023» дар ҷомеа ба такмил ниёз доранд.
Имсол аз тарафи вакилони Маҷлиси намояндагон барои мукаммал гардонидани Қонуни Ҷумҳурии Тоҷикистон «Дар бораи пешгирии зӯроварӣ дар оила» якчанд тағйиру иловаҳо пешниҳод шуданд, ки ҳоло мавриди баррасӣ қарор доранд.
Вобаста ба падидаҳои нави дар ҷомеа пайдошуда имрӯз вакилони Маҷлиси намояндагон, намояндагони мақомоти калидии мамлакат ва шарикони рушд ҳама якҷоя дар атрофи ин масъала фикру андешаҳои худро иброз менамоянд. Ҳамзамон аз татбиқи ин қонун давоми даҳ сол натиҷагирӣ намуда, барои тақвият бахшидани ҳамкорӣ дар самти пешгирии зӯроварӣ дар оила мубодилаи афкор менамоянд.
Дар назди иштирокчиёни ҳамоиш ҳамчунин намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Кумитаи кор бо занон ва оилаи назди Ҳукумати Ҷумҳурии Тоҷикистон ва роҳбари Хазинаи нуфуси СММ дар Тоҷикистон сухан гуфтанд.
АКС: Маҷлиси намояндагони Маҷлиси Олии Ҷумҳурии Тоҷикистон
Вакили Маҷлиси намояндагон дар ҷаласаи ҳамоҳангсози Ассамблеяи парламентии Осиё иштирок намуд
Раиси Маҷлиси намояндагони Тоҷикистон бо Раиси Жогорку Кенеши Қирғизистон вохӯрӣ намуд
Ҳайати Тоҷикистон дар ҷаласаи 152-юми Иттиҳоди байнипарламентӣ ва иҷлосияи ҳамоҳангсози Ассамблеяи парламентии Осиё иштирок менамояд
Ҷаласаи навбатии иҷлосияи дуюми Маҷлиси намояндагони Маҷлиси Олӣ, даъвати ҳафтум баргузор гардид
ДУШАНБЕ — НИГИНИ КИШВАРИ ОФТОБИИ ТОҶИКОН. Ба Рӯзи пойтахти Тоҷикистон бахшида мешавад
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Дар Душанбе масъалаҳои таълиму тарбия, сифати таҳсил ва гузариш ба низоми 12-солаи таълим баррасӣ гардиданд
Ҳамкории Тоҷикистон ва Иттиҳоди Аврупо дар самти такмили низоми идоракунии молияи давлатӣ густариш меёбад
Дар Душанбе тавсияҳои Кумитаи СММ оид ба бартараф намудани ҳама гуна ҳуқуқпоймолкунӣ нисбат ба занон муҳокима гардид
Ҷаласаи навбатии иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон баргузор гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
