ИФТИХОРИ ВАТАНДОРӢ. Дар «Саноатсодиротбонк» вохӯрии ҷавонон, варзишгарон ва волонтёрон ба ин мавзуъ бахшида шуд

Январь 10, 2024 10:53

ДУШАНБЕ, 10.01.2024. /АМИТ «Ховар»/. Ҷиҳати дар амал татбиқ намудани Қонуни Ҷумҳурии Тоҷикистон «Дар бораи ҷавонон ва сиёсати давлатии ҷавонон», ки барои муттаҳид намудани ҷавонон ва мустаҳкам намудани пояҳои давлатдориву бунёдкории он замина мегузорад, вохӯрии ҷавонон, варзишгарон ва волонтёрон бо ҷавонон ва кормандони  Корхонаи воҳиди давлатии Бонки саноативу содиротии Тоҷикистон «Саноатсодиротбонк»  баргузор гардид, иттилоъ доданд ба АМИТ «Ховар» дар Ташкилоти ҷамъиятии «Пайравони Пешвои миллат»-и Кумитаи кор бо ҷавонон ва варзиши назди Ҳукумати Ҷумҳурии Тоҷикистон.

Дар вохўрӣ доир ба масоили тарбияи ватандӯстӣ, баланд бардоштани ҳувияти миллӣ, ифтихори ватандорӣ, маърифати сиёсию ҳуқуқӣ, зиракии сиёсӣ, пешгирии ҷинояту қонуншиканиҳо ва пешгирии шомилшавии баъзе ҷавонон ба ҳизбу ҳаракатҳои иртиҷоӣ сухан намуданд.

Мақсад аз вохӯрӣ омӯзиши суханрониҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, татбиқи сиёсати давлатии ҷавонон ва баланд бардоштани тарбияи ватандӯстии онҳо буд. Таъкид гардид, ки давлат ва Ҳукумати Тоҷикистон, хосса Пешвои миллат муҳтарам Эмомалӣ Раҳмон иштироки ҳамаҷонибаи ҷавонони мамлакатро дар раванди ободкориву созандагии Ватани муқаддасамон ҳамеша дастгирӣ намуда, барои беҳтар гардонидани шароити зиндагиву таҳсил, касбомӯзӣ ва фаъолияти босамари онҳо тамоми тадбирҳои заруриро меандешанд.

Имрӯз ҷавонони мо зери сиёсати созандаи Пешвои миллат атрофи мафҳумҳои худшиносӣ, худогоҳӣ ва ҳувияти миллӣ озодона ибрози андеша намуда, ба дастовардҳои назарраси сатҳи ҷумҳуриявӣ, минтақавӣ ва байналмилалӣ ноил гардидаанд. Ин далели ташаккули мафкураи соҳибватанӣ ва хештаншиносии насли созандаи давлат арзёбӣ мегардад.

АКС: Ташкилоти ҷамъиятии «Пайравони Пешвои миллат»-и Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Январь 10, 2024 10:53

Хабарҳои дигари ин бахш

ҚУРБИ АСЪОР: дар Тоҷикистон 1 доллари ИМА аз 9.7700 то 9.9500 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1265 то 0.1250 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.8600 то 10.0500 сомонӣ муқаррар шудааст
Самтҳои муҳим ва афзалиятноки ҳамкории Бонки миллии Тоҷикистон бо Бонки ҷаҳонӣ баррасӣ гардид
ҚУРБИ АСЪОР: дар Тоҷикистон 1 рубли русӣ аз 0.1263 то 0.1260 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 10.2738 то 10.2000 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1282 то 0.1270 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1291 то 0.1250 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 10.3006 то 10.3500 сомонӣ муқаррар шудааст
«Саноатсодиротбонк» бо Бонки содиротию воридотии Арабистони Саудӣ Ёддошти тафоҳум ба имзо расонид
Дар мулоқот бо ҳайати Бонки ҷаҳонӣ тақвияти низоми молиявӣ баррасӣ гардид
ҚУРБИ АСЪОР: дар Тоҷикистон 1 евро аз 11.5986 то 11.5000 сомонӣ муқаррар шудааст