ТАҚВИМИ АМИТ «ХОВАР»: имрӯз 12 январ, ҷумъа, 12-умин рӯзи соли 2024 аст

Дар ин рӯзи соли 1999 ба нархи тӯби бейсбол рекорд гузошта шуд — он дар музоядаи Ню-Йорк бо арзиши 3 миллиону 54 ҳазор доллари амрикоӣ фурӯхта шуд.

***

12 январи соли  2009 ВАО хабар доданд, ки бино ба маълумоти расмӣ, соли 2008  ба Ҷумҳурии Тоҷикистон 470 ҳазор сайёҳи хориҷӣ ташриф овардааст.

***

12 январи соли 2012 Ассотсиатсияи «Клуби иқтисодии олимони Авруосиё» дар сомонаи www.group-global.org шабакаи зеҳниро дар шакли сомонаи муоширатии G-Global фаъол намуд.

***

Соли 2016 дар шаҳри Душанбе дар Қасри миллат зимни мулоқоти Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон бо Вазири федеролии захираҳои об ва энергетикаи Ҷумҳурии Исломии Покистон Хоҷа Муҳаммад Осиф маҷмуи васеи масоили кунунӣ ва дурнамои муносибатҳои ҳамкории Тоҷикистон ва Покистон баррасӣ шуд.

***

12 январи соли 2016 ҳамлагари аргентинагии дастаи «Барселона»-и Испания Лионел Мессӣ барандаи «Тӯби тиллоӣ»-и Федератсияи байналмилалии футбол гардид. Маросими супоридани ҷоизаи «Беҳтарин футболбози соли 2015» ҳангоми шабнишинии калон дар шаҳри Сюрихи  Швейтсария баргузор гардид.

12 ЯНВАР:

Дар Русия — Рӯзи прокуратура.

***

Дар Танзания – Рӯзи инқилоби Занзибарӣ.

***

Дар Туркманистон – Рӯзи хотирот.

***

Дар Ҳиндустон – Рӯзи миллии ҷавонон.