Дар яке аз роҳҳои Индонезия бар асари фаромадани ярч чор нафар ҳалок ва шаш нафар захмӣ шуданд
ДУШАНБЕ, 27.02.2024 /АМИТ «Ховар»/. Тибқи маълумоти иҷрокунандаи вазифаи роҳбари агентии бартарафсозии оқибатҳои офатҳои табиии музофоти Сулавеси Ҷанубӣ Амсон Пандоло, дар натиҷаи фаромадани сел дар роҳи музофоти Сулавеси Ҷанубӣ дар Индонезия чор нафар ҳалок ва шаш нафар захмӣ шуданд. Тавре АМИТ «Ховар» иттилоъ медиҳад, дар ин хусус «Синхуа» хабар додааст.
Ҳодиса дар минтақаи Бастем — Утара тақрибан соати 09:00 ба вақти маҳаллӣ баъди боронҳои шадиди шаби якшанбе рух додааст. Зиёда аз бист нафар дар натиҷаи ярч зарар дидаанд. Наҷотдиҳандагон ҷасадҳои ҳалокшудагонро берун бароварда, захмиёнро ба маркази тиббии деҳаи ҳамсоя интиқол додаанд.
Ҳамчунин дар бораи вайрон шудани шоҳроҳ ва баста шудани роҳе, ки чанд деҳаро мепайваст, гузориш дода шудааст. Гуфта мешавад, ки дар Индонезия дар мавсими боронгарӣ обхезӣ ва ярч тез-тез ба амал меоянд.
АКС аз бойгонӣ
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Имрӯз дар шаҳри Душанбе ҳаво то 26 дараҷа гарм мешавад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
