Имрӯз дар Озарбойҷон интихоботи ғайринавбатии президентӣ баргузор мешавад

ДУШАНБЕ, 07.02.2024 /АМИТ «Ховар»/. Имрӯз дар Озарбойҷон интихоботи ғайринавбатӣ баргузор мешавад ва ин рӯз дар мамлакат рӯзи истироҳат мебошад, иттилоъ медиҳад АМИТ «Ховар» бо истинод ба ТАСС.

Ба иттилои Комиссияи марказии интихоботии Озарбойҷон, дар ин давлат дар маҷмуъ 6,5 миллион интихобкунанда сабти ном шуда, 6 ҳазору 537 қитъаи интихоботӣ барои раъйдиҳӣ кушода мешавад. Онҳо аз соати 08:00 то 19:00 ба вақти маҳаллӣ фаъолият менамоянд. Барои шаҳрвандони Озарбойҷон дар 37 кишвари ҷаҳон 49 қитъаи дигар кушода мешавад.

Ба иттилои Vesti.az, барои курсии президентӣ 7 номзад мубориза мебаранд:

— Илҳом Алиев — номзад ба мақоми президентӣ аз Ҳизби Озарбойҷони Нав;

— Зоҳиди Оруҷ- номзади худпешбар;

— Разӣ Нуруллаев — номзад ба мақоми президентӣ аз Ҳизби ҷабҳаи миллӣ;

— Фозил Мустафо – номзад ба мақоми президентӣ аз Ҳизби “Бунёдкори бузург”;

— Элшод Мусоев — номзад ба мақоми президентӣ аз Ҳизби “Озарбойҷони Кабир”;

— Гудрат Гасангулиев — номзад ба мақоми президентӣ аз Ҳизби “Ҷабҳаи халқии Озарбойҷони комил”;

— Фуад Алиев- номзади худпешбар.

Ҷараёни интихоботро 90 372 нозир назорат менамоянд. 790 нафари он нозирони байналмилалӣ мебошанд. Барои инъикоси интихобот 216 хабарнигор аз 109 сохтори расонаҳои байналмилалӣ аккредитатсия шудаанд.

АКС аз манбаъҳои боз