Кишоварзони Ҷамоати деҳоти Зиракии шаҳри Кӯлоб кишту кори баҳориро оғоз намуданд
КӮЛОБ, 29.02.2024 /АМИТ «Ховар»/. Дар Ҷамоати деҳоти Зиракии шаҳри Кӯлоб кооперативҳои тиҷоратӣ ва хоҷагиҳои деҳқонию инфиродӣ техникаҳои дар ихтиёрдоштаашонро ба хатти тайёр гузоштанд.
Корманди раёсати кишоварзии минтақаи Кӯлоб Сайфулло Ғашов ба хабарнигори минтақавии АМИТ «Ховар» Сулаймон Холзода иттилоъ дод, ки «бо дастгирии Ҳукумати Ҷумҳурии Тоҷикистон ва Вазорати кишоварзӣ давоми солҳои соҳибистиқлолии ҷумҳурӣ ба шаҳру ноҳияҳо миқдори зиёди техникаҳои муосири кишоварзӣ аз хориҷи ҷумҳурӣ тариқи амалисозии барномаҳои давлатӣ ворид шуданд, ки бо истифода аз онҳо деҳқонон шудгору кишт ва корҳои саҳроиро сари вақт анҷом медиҳанд. Як қисми техникаҳои дар хатти тайёр гузошта аз Кооперативи тиҷоратии ба номи Мир Саид Алии Ҳамадонӣ ва хоҷагиҳои деҳқонии Ҷамоати деҳоти «Зиракӣ» буда, омодаи кишту кори баҳорӣ мебошанд».
Намояндагони Вазорати кишоварзӣ, муовини якуми Раиси вилояти Хатлон, намояндагони Корхонаи воҳиди давлатии ҷумҳуриявии «Тоҷикагролизинг» ва дигар мутахассисон бо омодагии техникаҳо дар хатти тайёр шинос шуда, ба кишоварзон ҷиҳати бартараф намудани баъзе кабудиҳо дар техникаҳо маслиҳат доданд.
Дар хатти тайёр тракторҳои шудгоркунанда, тухмипошакҳо, тракторҳои боркаш, техника барои коркарди байни қаторҳо, картошкашинонӣ ва ғайра гузошта шудаанд. Аксари техникаҳо муосир ва ба талаботи имрӯза ҷавобгӯ буда, хароҷоташон кам ва маҳсулнокиашон баланд аст.
Зимни суҳбат бо кишоварзон ва механизаторон Раиси шаҳри Кӯлоб ва муовини якуми Раиси вилояти Хатлон оид ба тағйирёбии иқлим ва пайомадҳои он сухан гуфта, иброз доштанд, ки мебояд шудгору кишти баҳорӣ бо тавсияи олимони соҳа дар муҳлатҳои кӯтоҳтарин гузаронида шавад. Тамоми техникаҳои мавҷуда аз таъмир бароварда шуда, ба кишту кори баҳорӣ ҷалб гарданд.
Роҳбари Корхонаи воҳиди давлатии ҷумҳуриявии «Тоҷикагролизинг» ба кишоварзон оид ба техникаҳои ба мамлакат воридгардида ва тарзи ба деҳқонон дастрас намудани онҳо иттилоъ дод.
Барои сари вақт таъмир ва омода намудани техникаҳо ба як гурӯҳ механизаторон ва роҳбарони хоҷагиҳои деҳқонӣ сипоснома ва туҳфаҳо супорида шуданд.
Бояд гуфт, ки дар доираи ҳамкории Тоҷикистон ва Русия дар шаҳри Кӯлоб Ҷамъияти дорои масъулияти маҳдуди «Пахтаи Кӯлоб» ташкил шуд, ки дар он минбаъд дар майдони беш аз 1800 гектар пахта кишту парвариш менамоянд. Ҷамъият аллакай техникаҳои кишоварзиро ба шаҳри Кӯлоб ворид намуда, ба шудгори заминҳо шуруъ намудааст.
АКС: АМИТ «Ховар»
Дар Хадамоти гумрук бахшида ба Рӯзи Парчами давлатии Тоҷикистон маҷлиси тантанавӣ баргузор шуд
Ҳаҷми умумии истеҳсоли маҳсулоти кишоварзӣ дар Кӯлоб беш аз 26 миллион сомонӣ зиёд гардидааст
Дар ноҳияи Ҷаббор Расулов нақшаи истеҳсоли пахта 100 фоиз иҷро гардид
БОҒҲОИ ИНТЕНСИВӢ. Дар Тоҷикистон аз майдони кам метавон ҳосили баланди босифат ба даст овард
Сарвазири Тоҷикистон Қоҳир Расулзода дар ноҳияҳои Абдураҳмони Ҷомӣ ва Дӯстӣ бо корҳои ободонию созандагӣ ва саривақт ҷамъоварӣ намудани ҳосили пахта шинос шуд
Дар ноҳияи Ёвон парвариши лимӯ ва апелсин бо риояи талаботи зарурии агротехникӣ ба роҳ монда шудааст
Раёсати дар Шурои авиатсия ва истифодаи фазои ҳавоии ИДМ ба Тоҷикистон гузашт
Тоҷикистон 9 терминал ва маркази логистикиро ба рӯйхати «бандарҳои хушк»-и ЭСКАТО пешниҳод намуд
ФАЗОИ ТОҶИКРО ОЯНДАИ ДУРАХШОН ИНТИЗОР АСТ. Назари коршинос дар хусуси рушди авиатсияи тоҷик
ЧОРВОДОРӢ ДАР ТОҶИКИСТОН. Таъмини аҳолӣ бо маҳсулоти гӯштию ширӣ ба рушди ин соҳа вобаста аст
Дар шаҳри Ваҳдат «Фестивали намоиш ва фурӯши чорвои зотӣ» баргузор мегардад
Раванди иҷро ва мушкилоти рамзгузории электронӣ, фаъолияти операторони пайгирикунандаи гардиши молҳо ва раванди назорати онҳо баррасӣ гардид
