Вулқони Эбеко дар ҷазираҳои Курил бори дуюм давоми 24 соат хокистарашро ба ҳаво партофт
ДУШАНБЕ, 13.02.2024 /АМИТ «Ховар»/. Вулқоншиносон дар вулқони Эбеко дар ҷазираи Парамушири қаторкӯҳҳои Курили Кабир (вилояти Сахалин) дар як шабонарӯз дуюмин партоби хокистарро сабт намуданд. Тавре АМИТ «Ховар» бо истинод ба ТАСС иттилоъ медиҳад, дар ин хусус дар шабакаи Telegram — и Пажуҳишгоҳи вулқоншиносӣ ва зилзилашиносии филиали Шарқи дури Академияи илмҳои Русия хабар дода шудааст.
«Вулқони Эбеко дар ҷазираҳои Курил дар баландии 2,5 километр аз сатҳи баҳр хокистар партофтааст», — омадааст дар иттилоия. Дарозии хокистар рӯ ба самти шимолу шарқ 5 километрро фаро гирифтааст.
Қаблан 12 феврал партоб ба масоҳати 3 км сабт гардида буд. Фаъолнокии вулқон барои парвози ҳавопаймоҳои маҳаллӣ хатарнок мебошад.
Вулқони Эбеко дар кисми шимолии Парамушир ҷойгир буда, баландии он 1156 метрро ташкил медиҳад. Он дар байни моҳи ноябри соли 2016 фаъол шуда буд. Барои он аломати ранги норанҷии хатари авиатсионӣ гузошта шудааст. Ин маънои онро дорад, ки вулқон бо эҳтимоли зиёди таркиш фаъолияти баланд зоҳир менамояд.
АКС аз манбаъҳои боз
Дар Данғара таҳти унвони «Ҷомеаи солим маҳсули оилаи солим аст» иқдоми маърифатӣ доир шуд
Пагоҳ дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
4945 ҳолати вайронкунии қонунгузории замин дар маҳал бартараф карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Имрӯз дар шаҳри Душанбе ҳаво то 44 дараҷа гарм мешавад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
