Дар Ҷамоати деҳоти Қаратоғи шаҳри Турсунзода оид ба риояи қонунҳои миллӣ вохӯрӣ доир шуд

Март 2, 2024 13:36

ДУШАНБЕ, 02.03.2024 /АМИТ «Ховар»/. Дар Ҷамоати деҳоти Қаратоғи шаҳри Турсунзода бо мақсади татбиқи қонунҳои Ҷумҳурии Тоҷикистон «Дар бораи тарбияи ватандӯстии шаҳрвандон»,  «Дар бораи танзими анъана ва ҷашну маросим дар Ҷумҳурии Тоҷикистон» ва  «Дар бораи масъулияти падару модар дар тарбияи фарзанд» вохӯрии Раиси шаҳр бо сокинон  баргузор гардид.

Ба АМИТ «Ховар» дар  Мақомоти иҷроияи ҳокимияти давлатии шаҳри Турсунзода иттилоъ доданд, ки дар вохӯрӣ масъалаҳои марбут ба пешгирии гаравидани ҷавонон ба ҳизбу ҳаракатҳои террористию экстремистӣ,  ҷилавгирӣ аз рӯ овардан ба фарҳангӣ бегонаи либоспӯшӣ, дар рӯҳияи ватандӯстӣ ва одоби ҳамида тарбия намудани  насли наврас ва ҷавонон  баррасӣ гардид.

Дар вохӯрӣ гуфта шуд, ки таҳлилҳо бозгӯи онанд, ки баъди қабули   Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» сатҳи зиндагии мардум беҳтар гардида, ҳолатҳои зиёди сарфи беҳуда дар  маросимҳо пешгирӣ гардид. Мутаассифона, ҳанӯз ҳам аз ҷониби бархе аз шаҳрвандон  боз ҳам риоя нагардидани ин қонун, ки моҳиташ баланд бардоштани сатҳи зиндагии аҳолӣ мебошад,  ба мушоҳида мерасад.

Таъкид карда шуд, ки ба ҷойи худнамоишдиҳӣ ва баргузор намудани маъракаҳои пурдабдаба, моро зарур аст, ки шароити зисти аҳли хонаводаро беҳтар намуда,  барои  фарзандон дар хона ашёи барои онҳо зарурии  таълимиро дастрас намоем.

Инчунин дар вохӯрӣ риояи  Қонуни Ҷумҳурии Тоҷикистон «Дар бораи масъулияти падару модар дар тарбияи фарзанд» муҳокима гардид. Иброз гардид, ки ҳолатҳои аз ҷониби баъзе аз падару модарон бепарвоӣ зоҳир намудан дар таълиму тарбияи фарзандон  зиёд ба назар мерасад. Натиҷаи чунин фориғболӣ онҳост, ки фарзандон вақти худро беҳуда гузаронида, аз таҳсил ва мутолиаи китоб дур мондаанд.

Гуфта шуд, ки ҳадафи ин қонун  дар доираи одоби намунавӣ тарбия ва ба камол расонидани  фарзандон аз ҷониби волидайн мебошад.

Дар ҳамин робита  ба шахсони мутассадӣ ҷиҳати иҷрои қонунҳо номбаршуда  дастуру супоришҳои мушахаас дода шуд.

АКС: Мақомоти иҷроияи ҳокимияти давлатии шаҳри Турсунзода

Март 2, 2024 13:36

Хабарҳои дигари ин бахш

СММ: 800 ҳазор нафар дар Ал-Фашир зери хатари ниҳоят шадид қарор доранд
Ҷаласаи навбатии гурӯҳи коршиносони давлатҳои аъзои СҲШ оид ба амнияти байналмилалии иттилоотӣ доир гардид
Сокинони беш аз 15 ҳазор манзил дар шимоли Уганда аз обхезиҳо зарар диданд
Бар асари борони сел дар Чин 11 нафар бедарак шудаанд
Хадамоти алоқаи Тоҷикистон: «Ширкатҳои мобилӣ бояд суръати интернетро баланд бардоранд, на нархи интернет ва алоқаи мобилиро»
Имрӯз дар ноҳияҳои алоҳидаи Тоҷикистон борони кӯтоҳмуддат борида, раъду барқ ба амал меояд
ТАҚВИМИ АМИТ «ХОВАР»: имрӯз 23 апрел, сешанбе, 114-умин рӯзи соли 2024 аст
Ҷавонон бо фаъолияти Маҷлиси намояндагони Маҷлиси Олии Ҷумҳурии Тоҷикистон шинос шуданд
Чин дар робита бо бориши шадид ҳушдори сатҳи «норинҷӣ» эълон намудааст
АЗ УРФУ ОДАТ ВА ФАРҲАНГИ БЕГОНА ПЕШГИРӢ МЕНАМОЕМ! Суратгузориши АМИТ «Ховар» аз Коллеҷи тиббии шаҳри Хуҷанд
Бо супориши Президенти Тоҷикистон ба аҳолии аз боронҳои сел зарардидаи мамлакат кумак расонида шуд
ЗАБОН ДОНӢ-ҶАҲОН ДОНӢ. Омӯзиши забонҳои хориҷӣ тавассути технологияи иттилоотӣ аҳамияти хосса пайдо намудааст