Дар Душанбе бо мақсади муаррифии имконияти сайёҳӣ ва фарҳанги миллии тоҷикон фестивали байналмилалӣ оғоз ёфт
ДУШАНБЕ, 20.03.2024. /АМИТ «Ховар»/. Бо мақсади муаррифии имконияти сайёҳӣ ва фарҳанги миллии тоҷикон ба сайёҳон имрӯз дар Китобхонаи миллии Тоҷикистон Фестивали байналмилалии «Наврӯз-мероси фарҳангию ҷаҳонгардӣ» оғоз гардид, иттилоъ медиҳад АМИТ «Ховар».
Дар он муовини Сарвазири мамлакат Дилрабо Мансурӣ, роҳбарияти вазорату кумитаҳо, намояндагони бародаршаҳрҳо ва ташкилоти аъзо, корпуси дипломатӣ, созмонҳои байналмилалии муқими пойтахт, сохторҳои шаҳрӣ ва воситаҳои ахбори омма иштирок доранд.
Фестивал соли шашум аст, ки бо дастгирии Ҳукумати мамлакат ба муносибати ҷашни байналмилалии Наврӯз гузаронида шуда, мақсади он муаррифии имконияти сайёҳӣ ва фарҳанги миллии тоҷикон ба сайёҳон мебошад.
Гуфта мешавад, ки давоми 4-5 соли охир дар пойтахти Тоҷикистон –шаҳри Душанбе дигаргуниҳои беназир ба вуқуъ пайвастанд, ки ин аз таваҷҷуҳи баланди шаҳрдорӣ ба соҳаи меъмориву шаҳрсозӣ дарак медиҳад. Имрӯз пойтахт на танҳо маркази маъмуриву сиёсӣ ва иқтисодиву фарҳангии мамлакат гардидааст, балки ба шаҳри воқеии сайёҳиву фароғатӣ табдил ёфтааст.
Танҳо соли 2023 229 ҳазор меҳмонони хориҷӣ ба шаҳри Душанбе омадаанд, ки нисбат ба ҳамин давраи соли 2022 37 ҳазор ё 19 фоиз зиёд мебошад.
Зиёд шудани шумораи сайёҳон далели он аст, ки солҳои охир Душанбе ба яке аз шаҳрҳои амну осоишта ва бехатар табдил ёфтааст.
Таъкид шуд, ки давоми солҳои охир бо мақсади ободу зебо намудан ва фароҳам овардани шароити мусоид барои сокинону меҳмонони пойтахт бо ташаббуси шаҳрдорӣ тадбирҳои нав андешида шуданд.
Дар айни замон дар доираи нақшаи генералии шаҳр бунёди зиёда аз 407 иншооту бинои таъйиноти гуногун амалӣ мешавад. Соли 2023 дар доираи нақша 11 муассисаи таълимӣ, 7 муассисаи тандурустӣ, 20 коргоҳу корхонаи саноатӣ, 4 бинои маъмурӣ, 53 иншооти баландошёна бо ҷойгиронии 38 маркази хизматрасонӣ, 3 тарабхона, 3 иншооти варзишӣ сохта шуда, таъмири 63 нуқтаи партовпартоӣ ва рангубори 216 бинову иншоот бо таъсиси 4250 ҷойи кори нав анҷом дода шуд.
Ҳамзамон дар 12 иншооти роҳсозӣ бо дарозии 24,9 километр ва 2 иншооти ирригатсионӣ бо дарозии 3,33 километр, инчунин дар 34 истгоҳи нақлиётии замонавӣ корҳои сохтмонӣ бо маром идома доранд.
Зарангези ЛАТИФ,
АМИТ «Ховар»
АКС: АМИТ «Ховар»
Дурнамои ҳамкории шаҳри Душанбе ва иёлоти Ютаи Амрико баррасӣ шуд
Дар Душанбе даври шаҳрии Фестивал-озмуни ҳунармандону косибон таҳти унвони «Беҳтарин усто ва шогирд» баргузор шуд
Байни шаҳрҳои Душанбе ва Антверпен робитаҳои фарогир таҳким меёбанд
Даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
ДУШАНБЕ — ШАҲРИ СУЛҲУ СУБОТ ВА ВАҲДАТИ МИЛЛӢ. Иқтибосҳо аз суханрониҳои Президенти Тоҷикистон ба муносибати Рӯзи пойтахт
Фарҳод Раҳимӣ: «Рушди шаҳри Душанбе дар замони муосир ва нақши Раиси шаҳр муҳтарам Рустами Эмомалӣ дар шаклгирии фазои иҷтимоӣ ва маънавӣ»
ЧУ ДИЛ ДАР СИНААМ ҶОӢ, ДУШАНБЕ… Симои пойтахти Тоҷикистон ба таври шинохтанашаванда дигаргун шудааст
ДУШАНБЕ — ШАҲРИ «САБЗ». Дар пойтахт давоми 9 соли охир зиёда аз 130 миллион дона гули мавсимию бисёрсола шинонида шудааст
